朗聲四起

“ na maleva ’u varung na maleva tua izua sun, pudjadjalan tjanua’en sa’a izua ’u rara’acan a ’isan tia’en, maleva ’u varung maleva tua ’u sepi, ’umalji ta venangalj ’umalji tua ma’elu a hana, amayan a ’u pucunan. ” aicu a veci’ na senai, sema varung aravac tjanua’en, ta kakedrian a’en, ini’a na ’emeljang ta qaqulidan a patalevan, lja’ua ta meqaca ’en, ’u ljenguaqen a ’inemenem, sepuru’uz anga ’en ta nanguaqan na maleva a varung.

tjuruvu a ’u ’alevain a caucau, sangasangasan, maleva ’en ta izua Cemas a na qemati ta i ’acawan, sa ’u manguaq ta inalangan ta inabulay nimadju. sa’a maleva ’en tua ’u matjaljalja’, sipualja’ a’en paquzipen tuluwan a’en. ta sicuayan a nasemeturudj anan a zidai, ai kedri a zeliyan a paulan niamadju, tjara ini’a ’en na macaqu a ipavala ta varung na ’u matjaljalja’. maleva ’en aravac a patjepalalaut.

maleva ’en ta mare’a ’u sinsi, ’atua ’u sarasaradj i gakku, nu pinusaladjan a’en a pida cavilj, maleva ’en ta mare’a ’u drava(qali), nu paze’atj nu pudjadjalan ta ’u lumelja’an, maleva ’en tua nalivadre’ tua na ’iljiva’ tjanua’en, sa ’u ’eljang sa ’u pacun ta i ’acawan tu napenarangez tu ne’a nu sapuljuan!

sa’a maleva ’en tuazua na peniqai ta ’u varung, timun a ’u sini caljaqil, sa ’eljang ta ’isamulja sema tua nanguaq a djalan! maleva ’en ta ’u sudju a sicuayan, ini’a na cuacuai a tja pinare ’eljangan, izua ’u sudraman izua ’u senglitan, lja’ua tja liav a su tjinaulan a djeli a namasan milingan anga. maleva tua napaseqeljing tja nua’en, maleva tua ’u qineljing anga caucau uta, maqati tjen a mare ’eljang sa ne’a nu tja sapuljuan tua tja ’inai ’acawanan.

aicu a tja calivalivatan a djalan i ’acawan, secevung itjen ta tjuruvu a caucau, ta namapa’aizuazua a sengsengan, lja’ua, na’uya suqelam, tja calivatan sa’amaya. saljinga ’en tua izua na patjatjinayulj a malevaleva a varung, maleva tua mare’a ’u kaka i tjumaq, tua ’u qali(drava), sa’a masivarung a ’icacevung a ’iljiva’ ta timaimanga, nu izua tja pulevan ta ’emudanga, tjara izua si’aumaljan na i ’acawan.

「感恩的心感谢有你，伴我一生讓我有勇氣做我自己，感恩的心感谢命運，花開花落我一樣會珍惜」。這是感恩的心的一段歌詞，小時候不太能理解歌詞的真正含義，等長大之後，慢慢去體會、學習，才知心存感恩的心真是太重要了。

感謝上帝創造宇宙萬物，讓我享受祂所創造的一切美好！感謝父母，他們生我育我付出的辛勞與辛酸，父母的恩情我終生難忘！

感謝老師的教育、感謝同學的互相幫助，感謝朋友的諒解與陪伴，感謝所有關心我的人，愛我的人，讓我感受到人世間的温暖！

一路走來，我們在許多的事上、許多不同的人身上受操練，因此不斷成長。我希望自己能常存一顆感恩的心，用心用愛去對待遇到的每一個人，只要人人都有一顆感恩的心，世界將會更美好。