朗聲四起

sobih tehuk ku ryax ’osa magan “ biru na rngu ba kmayan kay Tayan ki ba gaga na Tayan ” la, cyakin mngungu inlungan muw ru siga psi ps’ap uzi ks’li. t’aring kuzing musa miru sku socyu Taycung lga, ana kyan ku bbiru myan na kay Gyenzyumin, kyan ku psba biru niya pcba sami uziy, sikila ga ’yat pcba kay ta C’uli, psba biru myan hani ga pcba kay na Squliq, pyanga sa ini muw thyaziy mung kay Squliq nya. nanu ye’asa ku mngungu balay inlungan muw.

tehuk kuzing sku pspngan lga, plmuh mu ku psba biru myan slali, helaw kuzing nya pcba’an loziy ku son nanu lmpu ku yaya na hngyang ru son nanu plgan lmpu, pkkayan…llungun mu, miru kuzing sku Myawli Tay’ang Sire pkba’an biru te mt’yu bbrwan kayan lga, rema sami nya pcba’an, mkbaga sami nki thuyay magan “ biru na rngu ba kmayan kay Tayan ki ba gaga na Tayan ” mkura sku kay ta C’uli hani, lunga sa ba mung ru ba kmayan cikay kay ta nanak na…nanu ye’asa ini kngungu hazi inlungan muw hani la, pyang muw son mhuway balay psba biru myan.

lnlungun muw miru sami Sire pkba’an biru ga, kyan pyux ku blay tkba’an ru blay pssya’an, pyang muw sgalan ga innaras sami “ musa ’mlyap ” ku suru sali ni psba biru myan! yaba ni psba biru myan ku pcba sami son nanu syun ku t’uya hani, pyux ku t’uya ka ’sinuw…tri’un kakay ga tlnga son, tri’un olu ga wahi ini ga luyang son, kwara yaw na ’mlyap ga wayan n_gyut n_gyut ba’un lru, kruma mutuw kung musa mkebu yaba mu musa trgyax.

mhuway balay pcba biru muw Pitay, ’yat nanak ku ba kmayan kay Tayan son nya, pyang rahu na yaw ga nki mamuw ba’un kwara Gaga ta Tayan ru knxan slali na tayan ma. siga son nanu musa ’mlyap, rasun sami nya balay mkbaga sku rgyax posa balay t’uya. pincba’an sami nya uziy magan sa k’man kbalay sku ggnogun, kruma ga rasun sami nya musa hmakay alang, nki mamuw ba’un ku alang ta nanak ru syun mamuw inlungan ma.

babaw nya smogan kung siga Pitay pcba biru uziy, nanu ye’asa, klokah kung miru ru nki kung thuyay m’sinsi, ru thuyay mbinah alang nanak, pcba kwara lla’i mkbaga biru.

要參加族語能力認證初級考試了，很慶幸，在考場遇到以前的族語老師，老師立即幫我複習拼音以及口說能力部分。面對考試的心情變得踏實些了，謝謝老師的鼓勵與教導。

回想在國小就讀，最喜歡族語老師帶我們學習「陷獵」！教我們上課的是老師的爸爸，有許多狩獵方式，哪種動物就放置哪種陷阱，每個我都學會了，也學以致用。感謝Pitay老師，帶我們體驗傳統狩獵，了解自己的部落。我想學老師，以後我可以到山上傳教自己部落的學弟妹。