朗聲四起

Niqan kingal jiyax, ida mskuy balay ka jiyax siida. Yami lqlaqi o msupu nami tqqiri siyaw tama rudan ni bubu rudan, malah nami puniq uyung sapah. Siida rmngaw mnan ka tama mu rudan, “Pihu! Klaun su saw uxay alang Pulan hini ka nniqan rudan ta sbiyaw hug? Yaa bi knlwaan ta Tanah Tunux siida, ida ta pneiyah alang Truku ka ita, meiyah thjil hini ka rudan ta sbiyaw dhuq sayang” msa ka tama rudan.

“ Sbiyaw han o alang Truku ga, niqan Alang Brayaw, Alang Busig ska, Alang Busig daya, Alang Sadu ni Alang Truwan dnii… ” msa ka tama rudan. Bukuy duri o rmngaw ka bubu rudan uri “ Alang Buarung sayang o ida uxay hiya uri ka pusu bi nniqan rudan dha sbiyaw! Dhiya ga mntna seejiq Alang Pulan, pusu dha balay nniqan seuxal o ida Aang Truku uri. Ida mntna ita pneiyah Alang Brayaw, Busig ska, Busig Daya, Sadu ni Truwan uri ka dhiya” msa.

Smiling bubu rudan ka Pihu “ Manu ka uqun dha mniq Alang Truku sbiyaw ka rudan ta hug? ” “Ida pnhuma nanaq masu, pgu, basaw, bunga, sari ni sunguc dnii ka dhiya, kika uqun dha sbiyaw ka rudan. Sayang do ini saw sbiyaw, ida mhuma payay, lmlamu sukay ni sama kida. Ida uxay wana uqun nanaq ka phmaun, asi huma egu dni brigun dha eseisil seejiq ni ngalan hbangan, djiyun ruwan sapah.”

Qnbahang nami kari tama rudan ni bubu rudan do, klaun nami hari ka kndusan rudan sbiyaw; Mkla nami wada saw shuya mniq alang dgiyaq daya sbiyaw ka dhiya; Mala nami ida ini hari ktna da ka kndusan rudan sbiyaw ni kndusan ta sayang da.

一個寒冷的日子，我和祖父、祖母一起在後院烤火。祖父說我們Pulan部落是從Truku部落遷徙過來。而Truku部落又分為Brayaw、Busig ska、Busig daya、Sadu、Truwan部落。祖母又說：Buwarung部落也是從Truku部落來的。

祖母：「祖先以前種小米、粟、地瓜、芋頭和樹豆等」。祖父：「以前冬天，部落的男人會帶著獵犬上山、放陷阱狩獵，會將獵物跟部落的族人、家人一起享用。獵物有很多種，如山豬、山羊、山鹿、山羌、飛鼠…等等。」我終於了解過去與現在的生活型態大不同！