朗聲四起

yuyuk min ci kaca, ba’ minak sunbale’ malahang ci sasalahgan min. ana’ ungat ka tensu’ tataxan rali’, ini’ inakung ka kaṟal naga, ini’ min usa’ moṟow. as ka nanu’ sipalawa’ na nabkis ga, kaca ka masugagiy min la. masin payux ka sasalahgan min rali’. cel kutux ka sun min “cintong”. sikehul ci ṟamagal baling, ṟamagal baling hani ga pacin cacka’ kutux, paṟat baling ga maki’ anali’, il, bawi’ lu yahu’ na cacka’ baling ki. pasal salahaw ga, magal ci citong saringun cacka’ pacacungus pusa’ cika ututux baling. moka ini’ kaṟuk baling ka cintong ga, kaca ka ini’ katna’ la. maṟuk baling karirex ka cintong ga, payux nak la inagal cintong. abas payux ka ci’uli’ palibu’ sunanangi’ hita’ cini be’an tikiy ci cintong ma! bale’ nak yona pasamaha’ ka ini’ bi’ uṟi. giyona maha aṟat mamu pasangla’ kinang!

kelan ka sun kulabuy bininiy sasalahgan cunbu’ uṟi. kelan na ramas taxan pintasan. pasalahaw ga, bali’un patakaluw pacin ṟik kutux ka sun absuṟan ni. lu macacapung na aba’ maha’ “a’atak, urati’, kulabuy”. moka ini’ bi’ ga, kaca ka pasal cunbu’ cika kulabuy hani. habaṟaw ka ci’uli’ mingaha’ maha, “kinhapṟow! kinhapṟo!” lon cunbu’ ka absuṟan ni’ laga, hiyan kora’ ka ramas taxan na kulabuy la. pastapok sun min kani.

malapṟow nanu mapusal ci’uli’ salahaw. utux ci’uli’ ka pagilasuw ci limuk, kilkahan tuhya’ ka limuk hang, lu nahaṟi’ tuling maha usa’ saca isu’! maha’ cu sani kung! ma makakaral ka pasalahaw. as ka lon kora’ ka wal tuling. kaca ka yumunaw gunlasuw ci limuk ka ci’uli’. ruma’, ini’ ulu’ ci tinla’ing laga, masang ini’ salahaw la! aṟat ga mangilis magiy moṟow.

aṟat nanak kani, salahaw min ci gomu’ uṟi. ṟasiluw ci maṟumul ka gomu’ haca, pababahlan ci unruṟux na sinyuw. sa’ing ka pahuluy, saringun tari’ humuluy nanu’ tunux, moka ini’ tehuk mastaṟil ga, kaca ka musa’ humuluy ci gomu’ la. ruma’ nak ga tasṟuti’ pintaṟilan, as taxi maha pak! matakuṟ. ini’ kasa alagiy! kelan kutux ka utux nanak na awas ka alang min uṟi. yonani pawasan ka awas hani “ a ne ko ne ko, sang he cu la cu la yo no pa! ” minlu’ min mpasalahaw ci anaamol  ga, awas hani ka pawasan min, paturingun mawas ka pasalahaw, tehuk ki ka yono pa! la ga, kaca ka ini’ katna’ la. sungkakaru’ caṟung.

「玩」是童年文化的主要構成要素，而「童玩」則是童年生活的文化載體與智慧結晶。每個年代都有獨特的風味，不僅意味著社會轉型、政經發展、環境變遷的腳步，也代表各時期生活藝術之美。

回顧部落早期，孩童具有細膩的觀察力和純樸的創造力，善用生活週遭素材張羅童玩，發揮天馬行空想像力創造各式玩具，使遊戲更有趣，童年生活更精彩。打彈珠、玩紙牌、跳橡皮筋和踢罐子鬼抓人都是部落孩子們最喜歡的團體遊戲。