朗聲四起

Gisu ta nniqan Taywan hini o, gaga murux nanaq mniq kska mqliyang paru gsilung. Kndadax baraw karac, qtaun ka hniygan Taywan o saw bi kingal bunga qtaan. Nasi paah babaw asu kndadax dhiyaq qmita o saw bi paru ddgiya qtaan kida. Mppajiq qtaan ka wasaw qqhuni, saw bi gaga ssapaw spriq suyang bi qtaan, kiya ni asi dha thngani “Fu-er-mow-sa” ka da Taywan.

Dxgal Taywan ksun o ida bbaraw ni dgring qtaan, kska na o niqan mppajiq bbuyu ni ddgiyaq mtudu. Paah daya Taywan dhuq hunac Taywan o, yabi wada hmrinas hari spac kbkuy km ka knbragan na wah! Iyax na bbuyu ddgiyaq mtudu o ida niqan egu bi qsiya ayug uri, gaga nanaq mstrung hiya. Niqan ka tkingal bbaraw bi yayung gaga kska bi dxgal Taywan hini, hiya o kiya ka klaan bi ana ima ka hiya “ Yayung Mtudu ” ksun dha ka hangan na.

Uxay paru ka knglangan Taywan, snegaaw ddgiyaq ka dxgal Taywan, ida uxay llabang ka dxgal breenux. Dxgal breenux o gaga ssiyaw gsilung gqian hidaw kana, ida gaga mssli hiya kana ka alang breenux paru. Kiya ka kiya ni ddgiyaq Taywan ga, niqan egu klgan tnpusu seejiq Taywan gaga mniq hiya, saw ka Seejiq, Tayal, Bunun dnii… ida smkila bi mniq alang dgiyaq ka dhiya; Ida mntucing ni mndakil alang dgiyaq ka dhiya. Sbiyaw han o meekan nanaq nangal dha ssamac lmiqu, uxay uri o tnabug nanaq rudux, bibi, babuy dnii…. Mhmuc kmtuy hmnru nanaq saw sama balay, sama qudung ni hnuma nanaq ssama, beyluh sukay ni sunguc qnpahan uri, ida msblaiq bi mniq alang dgiyaq ka tnpusu seejiq.

Kiya ni ida spruun bi qmita dSeejiq ka “Pusu Qhuni” ana bitaq sayang.

高山住著許多不同族群的原住民。在部落出生與長大的的人，吃著從深山獵得的獸肉、飼養的家禽與牲畜、任意採集野生的龍葵和栽種的蔬菜與豆類。

耆老說：「以前有一顆似岩石的樹根巨物，是祖先的發源地。」部落的耆老視該地為聖山。祖父說：「以前當兵的人會到白石山一帶操練。快抵達白石山時，因領軍長官的分貝過高，山起大霧，有位軍人消失無蹤！」到直現在，要去那邊登山或狩獵，不能發出高分貝的聲響，這是祖訓。