朗聲四起

Sbiyaw sbiyaw balay han o alang dgiyaq daya ida ungac ka “rulu” ksun, manu bi ka peapa qyqaya djiyun sapah ni qpahan mniq dgiyaq hug? Nasi musa qmpah qpahn o asi ka dha qaqay ka mksa, kika pdhuq ssaan qmpah qpahan.

Dhuq miyah kmlawa mnan Taywan ka Tanah Tunux do, kika niqan ka “ dapa emblbil kima ” ksun. Dapa ka embbil kima siida, yasa paru balay biyax na ka dapa. Kima o ungac dduruy niya, wana dha lnpaxan bbaraw qhuni ka mririh dduruy na. Psaan ni pskrayan mkuy ka qyqaya babaw kima, kika emptbalay blbil ka dapa. Kiya ka kiya ni asi ka smnegul dhyaan ka tndapa seejiq. Bmbil kima siida ka dapa o ana saw mmnu na elug o ida na tduwa daun kana, kiya ni qulung bi snegulun ka mapa qyqaya dapa ni kima.

Kmlawa mnan Taywan siida ka Tanah Tunux, niqan kingal na ka ppeanan qyqaya, kiya ka “ jiyaka ” ksun. Ida niqan dduruy ka“ jiyaka ”, spac ka dduruy na, asi ka llabang hari elug kika tdwaan na muda. Jiyaka nii ga blbil brah ka dapa, pgriq bukuy ka seejq empqalhang ddaun leelug. Tduwa ka wana seejiq ka smikul ni mgriq jiyaka uri, asi ka ini shjil ka qyqaya ppeanun, asi ka breenux hari ka ddaun leelug. Ida dsaw nii ka ppeanan qyqaya sbiyaw han wah!

Niqan ka ppeanan babaw qsiya yayung ni qsiya gsilung uri, “ asu ” ksun rudan sbiyaw ka dnii. Manu ka asu babaw qsiya yayung o, ida ciway kiya, ini tduwa meapa suqi shjil ni paru qyqaya; Manu ka asu qsiya gsilung o niqan ka ciway asu, niqan ka paru bi asu uri. Ida tduwa meapa seejiq ni qyqaya uri, manu ka qyqaya saw kklgan rulu ni abura qrari pnaah eseisil klwaan o, kika ppeanun asu paru kana kiya. Kiya ni asi asu ka tduwa mapa paru qyqaya.

Niqan ka ppeanan skaya babaw karac uri, “ sapah skaya ” ksun rudan sbiyaw ka kiya. Nasi saw musa meuyas patas, uxay uri o musa rmigaw eseisil klwaan, ida peapa “ sapah skaya ” kika ini biyaw dhuq ssaan. Nasi peapa “ sapah skaya ” siida, ini srwai madas suqi shjil ka qyqaya, yasa pskaya babaw karac ka hiya.

Dsaw baraw nii ka ppeanan ta paah sbiyaw ni dhuq sayang.

以前，部落沒有所謂的車輛，要靠步行，才能抵達耕作地。後來有牛力載運，用牛拉承載物。還有一種承載物是jiyaka，裝有四個輪子，前面可以用牛隻拉著，但必須載運較輕的貨物。而今，有很多乘載貨物與人的設備，皆有不同的功能。河流、海上承載人與貨物的稱為船隻。天上承載人與貨物的稱為飛機。

以上是從前到現在的交通工具。