朗聲四起

t’aring kung miru lga, mutuw sami rasun yaya muw kwara mntsway musa mung sku ’was na gluw nya pp’was.

nisan sami mhngi ’bagan sku 1996 kayan, mnwah mluw yaya mluw hikoki ku bsuyan mu Pitay, memaw muw sgalan maha ogan laha wayan mluw sa plaka tayux binah cinlangan koka. snun muw balay yaya ru Pitay. tehuk sali laha, txan myan ’nwahan naha Kanata, memaw betunux kwara sali naha ku khoni ru bsilung. kyalun kung ni yaya maha klokah miru, babaw nya isu ku rasun muw la.

tehuk balay ku ’aras kung ni yaya la, sikila ini kmswayan hazi sinsi muw gi smka kayan lga, mmosa kung sikeng sku ’agan muw blay na gako. kyalun ni yaya sinsi maha, ana ini biru sazing rehay ku la’i mu Sayun hani, musa tayux ini ptna cinlangan ga, wiwan niya miru uziy. ye’asa ku smwayan ku sinsi la.

minxaliy balay mluw hikoki ru tayux payat ini ptna cinlangan. mnwah sami tayux sali ni Morzat, mgluw kung psyasing ki Syupot, mnwah sami mita sali tinringan na Tisni, mnwah sami mita uziy kblayan na wilak wilak na yamay-Sbaraski, mnwah sami mkaraw uziy pyang wawi rgyax Alpes, pyux balay ku ini ptna sku mki alang ta nanak.

minxaliy kung balay musa tayux binah na cilangan, m’as kung knita muw kwara kinbalay na Yaba Kayan, rahu ru wawi ku rgyax pl’ux ru mskinut balay, ana bsya kinbalay ku sali nle'un mlahang ga, pyang naha p’asun mita uziy. ana ga rngu na mbaziy ye’aya na gluw ni yaya m’was ga minkux kung uziy. aring kya syun muw inlungan, babaw nya mmosa kung tpucing pilung ni yaya muw m’sinsi uziy.

misu soni ga niya kuzing balay m’sinsi sobih mpuw kayan la. mutuw muw trang sku mhngi na ’misan ini ga ’bagan musa ana inu cinlangan, pyux knita ga pyux bbay muw lla'i ka niya muw psba’an. kyalun muw kwara mkbaga biru ka lla’i, aring simu la’i na ga, siki kyan ku sinngusan mamuw maha nanu ku nki muw syun inlungan ka ptyagun muw babaw nya. lokah simu miru ru mkura sku sinngusan mamuw ku inlungan su lga, musa su thyayun magan ku sgalan su mtyaw la.

從我開始讀書，媽媽常帶我們去聽他們合唱團的演出。1996年暑假，姐姐Pitay跟媽媽出國。帶回加拿大美麗木屋、漂亮湖泊、海洋。媽媽終於帶我出國。第一次訪四個國家。莫札特的故居、和舒伯特雕像合影，迪斯尼古堡，司華洛斯奇、阿爾卑斯山。出國驚嘆造物者的奇妙，團員購買力，讓我驚訝！他們大半是老師，當下立志，跟隨媽媽，當一位老師。

十年，常利用寒暑假出國，常勉勵學生，要有期望夢想，努力朝自己的夢想付出，有一天終能實現夢想。