朗聲四起

t’aring kung miru lga, mutuw sami rasun yaya mu kwara mntsway musa mung sku ’was na gluw nya pp’was.

nisan sami mhngi ’bagan sku 1996 kayan, mnwah mlu yaya mu mluw hikoki ku bsuyan mu Pitay, memaw mu sgalan maha ogan laha wayan mluw sa plaka mita binah cinlangan koka. snun mu balay yaya ru Pitay. tehuk sali yaya, mita sami ’nwahan naha Kanata, memaw betunux kwara sali naha ku khoni ki bsilung. kyalun kung ni yaya maha klokah miru, babaw nya isu ku rasun mu la.

tehuk balay ku ’aras kung ni yaya la, sikila ini kmswayan hazi sinsi mu gi smka kayan lga, mmosa kung sikeng sku ’agan mu blay na gako. kyalun ni yaya mu sinsi maha, ana ini biru sazing rehay ku la’i mu Sayun hani, musa mita ini ptna na cinlangan ga, wiwan niya miru uziy. ye’asa ku smwayan ku sinsi mu la.

minxaliy balay mluw hikoki ru mita payat ini ptna na cinlangan. mnwah sami mita sali ni Morzat, mgluw kung psyasing ki Syupot, mnwah sami mita sali tinringan na Tisni, mnwah sami mita uziy kblayan na wilak wilak na yamay-Sbaraski, mnwah sami mkaraw uzi pyang wawi rgyax Alpes, pyux balay ku ini ptna sku mki alang ta nanak.

minxaliy kung balay musa mita binah na cilangan, m’as kung knita mu kwara kinbalay na Yaba Kayan, rahu ru wawi ku rgyax pl’ux ru mskinut balay, ana bsya kinbalay ku sali nle'un mlahang ga, pyang naha p’asun mita uziy. ana ga rngu na mbaziy ye’aya na gluw ni yaya m’was ga minkux kung uziy. aring kya syun mu inlungan utux na yaw, babaw nya mmosa kung tpucing pilung ni yaya mu m’sinsi uziy.

misu soni ga niya kuzing balay m’sinsi sobih mpuw kayan la. mutuw mu trang sku mhngi na ’misan ini ga ’bagan musa ana inu na cinlangan, pyux knita ga pyux bbay mu lla'i mu ka niya mu psba’an. kyalun mu kwara mkbaga biru ka lla’i mu, aring simu la’i na ga, siki kyan ku sinngusan mamu maha nanu ku nki mu syun inlungan ka ptyagun mu babaw nya. lokah simu miru ru mkura sku sinngusan mamu ku inlungan su lga, musa su thyayun magan ku sgalan su mtyaw la.

從我開始讀書，媽媽常帶我們去聽他們合唱團的演出。

1996年剛放暑假，姐姐Pitay跟著嬤嬤搭飛機出國。我很羨慕姊姊搭飛機。媽媽回來後，我們看著加拿大美麗的木屋和漂亮的湖泊和海洋，媽媽告訴我，努力讀書幾年後再帶你去。

終於媽媽要帶我出國，可是主任不太願意我請假，因為半年後，即將面臨考高中基測。媽媽跟主任說，出國更能增廣見聞，主任勉強答應。

第一次搭乘飛機去看四個國家。我們去看莫札特的故居，我和舒伯特雕像一起合照，我們還去看迪斯尼的發源古堡，更去看水晶公司司華洛斯奇，我們也去爬阿爾卑斯山。

出國初體驗，除了驚嘆造物者的奇妙創造，媽媽團員的購買力，更讓我驚訝！他們大部分是老師，當下我就立志，要跟隨媽媽的腳步，當一位老師。

如今我當老師將近十年，常利用寒暑假出國走走，我常常勉勵學生，心中要有期望夢想，努力用功朝自己的夢想付出，有一天終能實現夢想。