朗聲四起

rehay wayan te mtyu ryax ga, mspung mzinah ku bbrwan biru na magan gako syaw Lyung Penux. Maylubung, Maypuwan ru Sire hiya ga mki cinrhyan na Myawri, P’uma ru M’ihu hiya ga mki cinrhyan na Taycung. ki miru Maypuwan ku sway mu Behuy ki Tahus. smogan kung musa mita uziy, sikila mmosa kung mluw yaya yaba muw musa mgnaw mcisan i Karingko ru Girang. ’si mu say klokah ku sazing ssway muw la.

pungan mu pinzinah ni Tahus hiya ga, lokah balay, wayan magan te sazing ’nabu. pyang nhri ga Behuy, balay ga hiya ku pyang helaw mzinah han, ba’aw ta mngungu ini ga mita maha wayan inu kwara bes ta lru, wayan hnasun na utux rawin nya la, mtna ki sway nya Tahus, wayan magan te sazing ’nabu uziy.

memaw m’as inlungan muw. ye’igi kisa ga pspung mzinah uziy ku niya muw brwan gako. kyalun muw kwara yutas, yaki, yaba, yaya ru yata muw maha ’wah balay tayux pspung sami mzinah uziy ki rrawin muw ki. memaw balay m’as kwara naha mwah smlokah kuzing. krryax mkbaga sami mspung ki rrawin muw ga, mutuw kuzing ku helaw ru magan te utux na ’nabu. kyalun muw sway Behuy maha, kisa ga txiy bsuyan hiya ki. musa muw galun ku te utux ’nabu la.

sobih balay tehuk sku kumi myan lga, ba’aw ta maha nanu, memaw maha pong! pong! pong! ku skutaw muw. pang! maha patus, utux inlungan muw nanak maha ’si ta pzinah, sobih muw hnasun ku wawi rawin muw lga, niya rema tehuk sku snyuw ka thkan hiya la. ini muw ba’iy inlungan, memaw kung msayux maha hwa ta ini agan sa te utux na ’nabu! abas ta nama kmayan sway Behuy maha txiy bsuyan hiya.

tmasu sami mspung lga, rasun sami ni yaba muw musa mani sa hi kating. kyalun kung ni yaki ru yutas maha, kyala nisan simu t’aring mzinah lga, mksu’iy su hazi la? ini ba’iy mngungu su hazi uziy sku mung su hngayang ta patus? ana ga rahu a’ay na rawin su bawi balay hiya ki! twangan mamu cikay kinruyux nya lga, nki su hnasun la, lokah su balay !

laxiy khutaw inlungan su. magan su te sazing ’nabu lga pyang su lokah lga! babaw nya, lokah mani nki su mrkyas, rahu a’ay su uziy lga, isu ku p’agan te utux ’nabu la.

大安溪五校聯運。表弟在象鼻幼兒園讀，會參加賽跑。我想看比賽，但跟爸爸媽媽去旅遊。只好祝福表弟說加油！兩個表弟都跑得不錯，得了第二名。今天校慶。我和同學比賽賽跑。練習時都得第一。跟表弟說來看哥哥拿第一名！輪到我們，心臟砰砰跳！槍聲響，我勇往向前，快超過同學了，卻已抵達終點。心想，怎麼不是第一名呢？

阿公阿嬤分析，高個子，腳長就很快！再跑遠一點，一定超過他。阿公阿嬤鼓勵我，多吃些長高大，下次就你拿第一。