朗聲四起

mu’anpuk cam han kukai’, i ita’ cam tusasasuc matumacqeng tamadiqanin, ita’ cam tan’a icia tamadiqanin tu qalinga, ita’ cam masumsum, taqu’an cam tu asa tu madedaz malkacia madadengaz,

pakacial li tec’an, samacqeng sadu madadengaz, nitu qalmang tumoqmoq, nitu qalmang tangqe’iu icia duma tu qemangsut cin sincucuaz, opa na sadu’an tamadiqanin.

taqu’an cam mi sinsi’ tu, picihalun na hubung sepuk, nitu ququ’ i davuc, opa maqa ka ququ’ davuc ca pindikla’ i hubung, maca ni’ a hubung makackac ca na nitu maqtu kukuza, na uka’ i konun maca ni tu kukuza.

tunganin taqu’an ica tamadiqanin tu qalinga, muskun cam tusauc kingking masumsum, mal’ung tu mac’an paqais tuki’, maca unisin na taquan malasbunun tu qaling, opa kamanin cam maqaciap malsbunun, pangqa taqu’an cam han kukai’malasbunun qalinga bazbaz.

kadipin na el’uan, masan mukumbu’ azam han kukai’, na kitnga isnava’an malasbunun. tupa ka sinsi’ tu, maqa haip pa na isnava’ a, ciaki masipul tas’a dusa’ tau, maca qanciapin ata masisipul la, na maqtunin ata masipil kisang tu piaqa tas’a cusan dusa’, piaqa tau vanaqan tas’a piaqa mac’an pavazun dusa, piaqa maca dusa’ a hima.

mungausang ata masipul li tas’a, dusa’, tau, pat, hima’, num, pitu’, vau’, siva’, mac’an. ciati’ a ngosun maqanciap, minihan atikic kitnga masipul, namaqtu’in mahiav maqanciap masipul madaing tu petasan.

tas’a, dusa’, tau, pat, hima’, num, pitu’, vau’, siva’, mac’an.

mac’an, mapusan, mati’un, masipatun, mahima’un, manumun, mapitu’un, mavo’un, masiva’un, tascabah.

mac’an qan tas’a, mac’an qan dusa’. mapusan qan dusa, mapusan qa tau. mati’un qan tau, mati’un qan pat. masipatun qan pat, masipatun qan hima’. mahima’un qan hima’, mahima’un qan num. manumun qan num, manumun qan pitu’. mapitu’un qan pitu’, mapitu’un qan vau’. mavo’un qan vau’, mavo’un qan siva’, masiva’un qan siva’, tascabah.

tascaba, dusasaba, tausaba, patsaba, hima’saba, numsaba, pitusaba, vausaba, sivasaba, tas’asing’ing.

tas’asing’ing, dusa’sing’ing, tausing’ing, patsing’ing, hima’sing’ing, numsing’ing, pitu’sing’ing, vau’sing’ing, siva’sing’ing, tas’amang.

tas’a cusan dusa min tau. tau vanaqa tas’amin dusa. mac’an pavazun dus min hima’, dusa’ a hima’ min mac’an.

參加教會主日學，聽老師說聖經故事，老師教導我們做人做事的道理，一起奉獻禱告。主日學課結束後是族語課。老師教我們布農語的數數，學會族語的算術，我們從個位數開始學習，再學大一點的數字。