朗聲四起

Matingmut tan’a ki madadengaz pinoqo, matudulang nga mata’ minkelac, tan’a ki madadengaz tupa tu, ni tu qalmang mudadan, asa munhan kaku’, ni tu pakahau bunun, taldanav va anakun na huluc mapac’aq, maqasmav masipul, suma’ cam han malinum ma, pantala pit’ia hezang danum baqec na taldanavan.

Sadu madadengaz kis’ama’ palangan, davaz, mudan, musu cak siza kama’, masinav vi tilac pit’ia na konun, ihan baning sepuk ki pinit’ia, sohan macacak ka pinit’ia, uka’ i iskul muaz makucia tu’iu’, hibulun qesiang ma’un, cihalan sala ma’un qesing.

Mina’unin qesing, muhan dangi’an taldanav taldaqes. uka daqu’ istaldaqes, mauz makucia danum taldanav, makucia tinangui’ mahima ki daqes, kilim mi huluc kaku’ pinukun, kilimin kavang, pinukan amakucu’ uka’ i kucusta’ pinukun, qeli’an kavang munhan pantalan pantu’, i ita’ muskun pantu’ paqaqenan, mantatala duma’ pantu’, maca kadipin na tuki’, maqa acang nga, pavazun tu himaling, pangqa, maqa pantu’ a pavazun minhima, kakuling nga pantu’ mu’anpuk, nataskun munhan kaku’.

Pavazun na minhimaling nga pantu’ mu’anpuk, ma’aq qa kakuling nga, heza’ a sikining, cia ki numpangka’ tu bananz za, pin’uni’un ni sikining, macana munga’in na tuki’ kadip pa namudanin munkaku’ a, maca heza’ pantu’ uka’ang nga, ciata a muna’u ki pantu’ a muhan kaku’, maca kahanin pitu’ tuki’ a, patu’ia ka kaku’ han lapa’ situsauc, maca tan’in na, ma’aq qa kakuling pantu’ a, pavaz za bananaz binano’az, mindusa’ soluk taskun adasun ni sikining nga tansosolok tusasac munhan kaku’.

Maca pudanunin han kaku’ a, qelic cak sukdu’ han kaku mapatas, opa uka’ han lumaq qa pangka’ dangi’an mapatas, musutu tini’an qana cak ka, pangqa, ngosun zaku ka, napatasan na ihan kaku’ mapatas, tudipi maca tunganin cak mapatas sa, namudanin cak mulumaq.

Maca kalumaqin na, mungasang cak pit’ia na konun, pisqati danum talhicoq, maca tunganin talhicoq qa, usun zaku ka huluc nak mapac’aq keha’un, opa na pinukun laqbing muhan kaku’, tas’a tuza a huluc ci kaku’ a, pangqa asa tu usu’un mapc’aq. maca teldanavin cak ka, kavila cak sadu ki hung, tanam kisang ngi kisang.

Mitunin qanimulmul la, tantungu cak han lumaq qi pantama’un zaku, i ita muskun ni palte’anun paqaqena, i ita’ sohan mina’un sanavn.

一早被父母叫醒，睏著眼睛起床，聽父親的囑咐，晚上要記得準備晩飯及熱水。父母親背起背簍及獵袋出門，我拿鍋煮飯，用醬油沾著吃，等待上學。部落五個鄰都有各自的集合點，一位六年級學長當隊長，學校播歌曲，由隊長帶領唱歌上學。

放學時，作業寫完才回家，到家煮飯、掃地、洗澡，制服只有一件，洗了馬上晾，怕明天没得穿。感到孤寂時去舅舅家，和表姊弟妹玩，玩到舅舅留我吃晚餐才回家。