朗聲四起

maydih kaku micudad, caay piliyas ku cudad i takuwan, sakapahay a cabay aku. u icelang nu punu’ inayi’ ku makapulu’ay, u cudad sapicunus tu punu’ a nananamen, ngay kya mananam tu micudad tu demiad. nika, ita caay kapaceba sa micudad. anu cacay sa a bataan a telilic ku sapinanam micudad sapatelac kya, kanca caay kacunus ku punu’ hanipalawpes sa tu matekesay a demidad.

mahini ku nanam aku micudad, pasuadih titaan, saayaway, heneken henay ku balucu’, tidep han ita musupsup ku balucu’, kya muasip amudateng. kulitan ita ku kapahay a sipicudad, u kapahay kulitan tu mukinih uyniyan u kapahay a kamu sa, anu taneng sacudadan kanca kapah siheci ku nicudad.

u duma, duducen ku i labuway niasipan a ulic, datengen a hicaen nu misacudaday mutules misulit patahekal? taneng kisu anu kinapinapina milucek, luceken akay mahica ku sumad, tulin han muasipmay, akay malucek kisu ku miliyaway patules, anu hinien kya macunus ku nidatengan kayadah, akay macunus kananam isu muasip!

i tini a misapalita tu udip, matineng tu haw a muasip? matineng tu haw? a uyca ku sapatulis ninamisacudaday? kya hidaen nu misacudaday misulit? anu caay henay kasapulita asipen aca a mahica “nakalasubu muasip tahekal kuheci”. liyaw han muhini, taneng tu muhaymaw micunus tu saasip. sadikuday, pilasuli tu sasulitan, misulit pakay balucu’ay a nidatengan suliten ku nitanengan atu tebing, masanga’ tuway amin maedap ku tineng, macunus ku dateng nu punu’, patalakaw sahabuk a icelang, sapatahekal tu cudad a icelang, saulic a icelang. a kapah pasucabay muasip tu cudad malaliyun tu ninanaman i cudad, macunus ku niadihan isu i cudad a kitakit, saayaw caay kaku katineng kalecad ku piazih nu tademaw, caay kalecad ku niasip. mahini ku maku a niasip, hidan kya caay kamin ku icelang.

ayza, katuud ku mitesekay patahkal tu nizatengan atu nikauzip nu Yincumin, a matineng tu labades nu Yincumin, yadah ku nidateng aku, mahemek kaku tu nipangiha’ nuhenian tu Yincuman. 

我喜歡讀書，書本是我最親密的夥伴。讀書是獲得知識的方法，不盲目讀書，靜心閱讀、思考，畫出好詞、好句並標記運用到寫作，會讓文章更加生動。根據所讀的內容，猜測、閱讀，可以更多樂趣！常問自己讀懂嗎？不清楚就再讀一次。做筆記寫出體會和感受幫助理解、分析。若能與好友一起討論，不同觀點更可發現書中不同的世界。

有許多作家反映出原住民的思想與生活情景，也讓我體會原住民的困境，給我很多啟發。我敬佩他們為原住民發聲。