朗聲四起

caayay pitengil caayay kaw matatungsay atu maliwhay tu cudad ku kaput niyam, ca:ay henay ka kapahay ku nipicud, miadada tu tangah nu sasaydan, adada satu ku tangah nu saydan niyam tina kaputan. 

micudad satu, u caayay pitengil tu kamu nu saydan namin kami, miubi miadih tu mangga a cudadan miubi miadih tu cananca:nan a cucudadan, pisekingan satu masasupain tu nisulitan tu adidi’ay a tatipeluk masasupaadih tu nisulitan, u nika caayan piduyi nu saydan i tamiyan , malingatu tu kamin malaliyu tu sapisekin a sasulitan. kacaayan nu nikatayni nu saydan, idaw ku caayay pitengil nu micudaday malingatu miala tu saasik palatenggalatengen nida mudadiw, idaw ku duma a micudaday mitepik tu tatipeluk misanga tu hikuki mawawait, cinglaw: sa namin, u kalimucu’ tu ku mata nu pan-cen miadih i tamiyan, alasiasen i tina.

na kinacacay tu, nai’ ku saydan i picudadan niyam, misaliyud ku sasaydan miadih tu masakapukaputay. bahal saca, idaw ku caayay pitengil a micudaday misanga tu nitepikan nida tu tatipeluk a hikukian, waiten nida pasayda i hekal tumian makayda ku sasaydan, niwaitan nida, pakaydan nida i sasingalan a miwait, tumian muculil ku sasaydan kahetikan i tangah nu sasadan. macekuk ku sasaydan, tanu tuwa’ sa a mapaaw. tanutuwa’ sa ku ngiha nu sasaydan, mahida u mapela’ay ku tapukuwan, matulek kita makatengila tina tuwaan nu sasaydan, pasayda namin ku mata nu micudaday atu saydan i tamiayan miadih.

makucila a sananal, pipatapabawan tu hataan, patahekalen kami patapabawen nu sasaydan i pabaw, mitudawa ku sasaydan i tamiyan, mitulun i tamiyan katineng tu nu tademawan katineng tu sikad anu patelac ku wayway sumaden sa i tamiyan, sumaden tu ku la’cusay a kawaw han kami, pisaicelangi micudad, amana ka caay pitengil tu kamu nu babalaki namu atu saykay nu nipaayaw i tamuan, kya idaw ku kapahay nu lemed namu, kya idaw ku nikataayawan nu tineng sakay syakayan.

namakayda, manu:neng tu kina kaput niyam, sakay tademawan sakay cudadan, hamaw satu kapah ku nipicudad niyam, itini i picudadan malamuhang tu kami ayda a kaputan. anu caay henay picumud ku saydan niyam tu picudadan, mueneng kamin i elun miasip tu cudad, katukuh tu nikatayni nu saydan niyam. manamuh kaku tu aydaay niyam a kaput, tatengan manamuh kina katuuday a malekaput, micucucu kami tu sasaydan, kanainai’ ku nipitudawan nu saydan i tawya, midiput i tamiyan,mipaicelang i tamiyan ku mahicaay hakiya ayda. 

我們班是讓校長、老師頭痛的一班。有次，校長在巡班。突然，一架紙飛機飛出窗戶，不偏不倚的插在校長的頭髮上，校長被嚇到突然大叫，叫聲穿破雲霄，引來全校同學老師們的注目。隔天升旗時，我們被邀請到典禮台上。校長期勉我們能知錯能改，改過向善，不辜負父母和社會對我們的期望，將來以好品德、學識能力貢獻社會。

從此，我們收斂許多逐漸改善，更成為學校裡的模範班級，感謝校長、老師在那時給予我們的勸戒、關懷與鼓勵。