朗聲四起

anu u saydang kaku, sayaway nu maku a mutideng i nu ayawan nu micudaday, misuaway tu mangalayay tu sakasitineng tu cudad nu micudaday, amusakamu kaku tu nuhenian, “saicelangen minanam, salipahaken ku nikauzip tu demidemiad. ”

caay kaku paceba’:sa musakamu tu nu henian, maynah, mitungangan atu palulaecus tu cimacimaan a micudaday, caay kaku patalaw paduka tu balucu’ nu heni. amalaluk kaku tu sapahalhal tu sapasubana’ i tu nu henian, misumad tu patelacay nipisulitan atu sapasubana’ tu sakasitineng nu micudaday. anu u canan nu tabakiay adidiay a kawaw nu masakaputay, misaicelang milaheci mikaykic tu kawaw nu heni.

caay kayadah ku nipabelian nu maku tu sakataluma’ a sapisulit a cudadan, caay kaku pacici tu nuhenian tu sapiasip nu cudadan. uyda a cacay kuhan nu maku tu nu henian saicelangen minanam tu kaydihan nu namu, uyda a cacay ku yukiwen nu maku tu nu henian tu sakaicelang a micudad. kya yadah ku matatungusay nu mipinanam tu demiad a kangalayan nu tineng, miyukiw kaku tu nu henian misakapah minanam tu sakasitineng nu sakalatademawan, caay kaku piyukiw tu nu henian a talakaw ku tinsu, sayaway micuda, anu kapah tu ku wayway nu nipicudad u kapahay tu. 

mangalay kaku amahida u duma a saydan kanamuhan atu kasikadan nu micudaday.

mangalay kaku a mahida ci Imian a saydan nu mikelecan, Habay saydan nu dawmi’ damsay, Tuku sayda nu laluk misuayaw tu kawaw, Kalang sayda nu tamelac kalawkaw a kawaw, Tipus saydan nu sakay hekalan tu tademaw, Sayiun saydan nu sakay balakas atu kanawlan. mangalay kaku mala matatungusay nu saydan, kanamuhan nu micudaday, kanamuhan nu picudadan atu binawlan.

mapakasenengan kaku nu saydan ayda, ina masakaputay nu micudaday nu maku ayda a mihcaan u makaalaay tu sayaway. i kasaupuan tu sananal patahekalen kaku nu sasaydan i pabaw palukapah i takuwan. patapabaw i takuwan mitudawan tu micudaday. sakamu sa henay kaku, makatengil nu maku ku nipilihud ni ina i tangila nu maku sakamusa: “ lekalatu, ci kasic!” alaw han u sepiay nu maku kuyni.

假如我是老師，第一次站在講台，面對渴望知識的同學，我會告訴他們：「努力學習，快樂生活。」我要像我的老師一樣受人敬重與愛戴。希望自己嚴謹、和藹可親、積極主動、乾淨俐落、善解人意、幽默風趣。我就要當這樣的老師，受學生、受學校也受社會歡迎。我被評選為優秀老師，班級也在這學期的獲得年級第一。校長在朝會時表揚我，邀請我上台勉勵同學。

當我要講話時，耳邊響起媽媽的聲音：「該起床囉，懶惰蟲！」。唉！原來是場夢。