朗聲四起

u cabay nu maku ci Tipus, u tada sakapahay a cabay nu kaku ci Tipus, nika alahican sawsawni masasukaynah kami. katinengan nu maku tu nikacacay a nipicudadan nu demiadan niyam, tengilen ku kamu nu maku a misulit sa ku saydan. mapawan ci Tipus tu sapisulit, kalah sa ci Tipus tayni i takuwan micaliw tu sapisulit, mipili’ kaku tu sakapahay nu maku tu sapisulit pacaliw ci Tipusan.  

kataluma’ satu namicudad, makaadih ci Tipus tu nikanai’ nu sapisulit, tayni i takuwan ci Tipus musakamu tu “ ahicanaca mahedaw nu maku ku sapisulit nu misu.” makatengil kaku tu kamu ni Tipus i takuwan, mapatay kaku nu linges ci Tipusan, u sakapahay nu maku kuyda a sapisulitan! iday, sakamu hantu nu maku ci Tipus “ kya hedawen nu misu ku sapisulit nu maku saw, miahicanaca sa kisu musakamu u kapah mahida haw?” mapatay nu linges ci Tipus makatengil, sakamu hantu ni Tipus “ natayni tu kaku miahicanaca, a hican naca nu maku kisu saw? sakamu han tu nu maku “ mabidang kaku i tisuan!” satedep satu ci Tipus naynai’tu ku tekite:ki’. caay tu kalipahak ku balucu nu maku ayda a demiad, nakamuan nu saydan a cudad, tada i nai’ tu ku nipitangilan i tangila haw? simsim satu kaku “ a caay:tu kaku pacaliw ci Tipusan tu tuu’dan!”. 

makaadih cina tu nikacaay kalipahak nu balucu’ aku, dawmi’ ku kamu nina i takuwan. sakamu han tu nu maku tu nikaydaan a kawaw. sakamu satu cina “ u kapahay nu malcabayay a masasungaay masasuedap, caay kawnipa’teng ni Tipus muhedaw, nataynitu ci Tipus i tisuwan a miahicanaca sa, alesen tu ku linges ci Tipusan, u sapisulit a ca:cay laliwan nu kapahay a cabay silaluutan satu haw?.” sakatusa a demiad, tayda kaku ci Tipusan miahicanaca, namahida u masasukapahay masasungaayay tu kami a tatusa.

我和Tipus是好朋友，偶爾爭吵。有次她忘了帶筆，我挑了一支最好的筆給她。放學後，筆遺失，她很抱歉地說：「對不起。」我便生氣了，於是，我說：「你把我的筆弄丟了，道個歉就可以嗎？」Tipus也生氣了。我也心情不好。我把事情經過跟媽媽說。媽媽說：「Tipus不小心弄丟，也向妳道歉，不應該埋怨她，為了一支筆失去朋友不值得。」我向Tipus道歉後和好。同學間爭吵、矛盾難免，只要互相諒解、寬容，就不影響友誼。