朗聲四起

pilipayan ayda a demiad, u kapahay bangcalay a demiadan, kanihalan matabal kaku a mulekal tu sananal, tayda kaku i paladah makaadih kaku tu nipacaitan tu kuyumi tu aydaay a demiad “ lisin nu ina”, u sapabeli ci inaan tu sasinubuan saan kaku?

caay ka taneng ku cukaysing nu maku tu sapicakay tu sinubu. mikilim kaku tu atekakay kibetulay nu tatipeluk, kuliten nu maku tu tusaay a kilang i tatipeluk, cacay han u tabakiay a kilang, cacay han u adidi’ay a kilang. mahida u miabibiay itawya i takuwan tu sakabalaki nu maku, ibelih nu tatipeluk sulitan nu maku tu “ lipahakay nu ina a lisin”. 

mangalay henay kaku micakay tu sapabeli ci inaan tu sinubu, sisa, tayda kaku mikilim ci amaan miyukiw ci amaan tu sapiedap micakay tu sapabeli ci inaan tu sinubu, mangalay papiedap tayda i patiyamay micakay tu sapabeli ci inaan tu sinubuan, maladay kami atu ci ama tayda i patiyamay micakay mipili’ tu sapabeli ci inaan tu sapiladlad nida tu udip a dikucan nu sinubu. nacila ku aliwac, makaadih kaku tu ni ca’dung ni Panay bayi tu nikasidikucan nida tu sapiladlad a dikucan, manamuh ci naku makaadih tiya dikucan, nika caay kangadah ci naku micakay.

taluma’ satu, nikulitan nu maku a cudad atu nicakayan niyam tu sapini ci inaan a dikucan padengeng niyam i pabaw nu takal. makaadih tu cina, abibi satu i takuwan sakamusa “ u manunengay a wawa kisu, u matatungusay a sinubu kuyni, a sakapahen nu maku a midimel!” makaadih kaku tu bangcalay nu tawa nina, milihida tu kaku a matawa, suayaw hantu nu maku cina a musakamu “ u mangelu’ay kisu a wina, paydemidemiad sa misakakawaw, misilud tu luma’, midiput tu lumaay a tademaw. manamuh kaku i tisuwa! mangalay kaku i tisuwan tu pilisinan nu wina salipahaken tu demidemiad, sademidemiad han lipahak, sakapahen ku udip! misaicelang kaku malakapahay a wawa, sakapah hantu nu maku a balaki.

今天是星期日，是個美好的日子，走到廚房發現是「母親節」，是不是該送媽媽禮物？我找來一塊硬紙板，畫了兩棵樹，一棵大樹，一棵小樹，就像我在媽媽的懷抱中成長，寫上「母親節快樂」。我想給媽媽買禮物！我和爸爸一起去百貨公司幫媽媽挑選運動服。

我把賀卡和運動服放桌上。媽媽說：「這是珍貴的禮物，我會好好珍惜！」看見媽媽的笑容。我對媽媽說：「媽媽好辛苦，要賺錢，還要照顧家裡。我愛妳！母親節快樂！我會做個好孩子！」