朗聲四起

i niyadu’ niyam idaw ku cacayay a nani’, u tabakiay nu hayuan a nani’ i niyadu’ niyam, idaw ku adidi’ay nu tangila nina wawa henay a nani’an, kulakulahan ku kulit nu mata, bulabulatakan nu kalawlawan a kulitan nu banuh i udip nida. ini’ ku wama, nai ku wina, inai’ ku calkakaan nida, sacacay sananay tayni i niyadu’ niyam a mudeku. nai’ ku matinengay tu namaka cuwaay hakiya a tayni.  

kataynian nida itida:sa i pakadidengan mabi’ pahanhan, tu labii minanam ci nida tu “ sapiadupaw tu edu’ a kawawan”. i niyadu’ yadah ku edu’, sademidemiad sa masasibut ku nikawaswas nu lanang nu niyadu’, ayda han tu, caay tu kami katalaw tu kasiedu’an. malamidiputay tu niyam kina nani’, balkibalki satu tu paydemidemiad, ya bulabulatakan nanay a kulit i udip nida bangcalbangcal satu adihan.

idaw ku cacayay a demiadan, idaw ku tabaki:ay kidemuay nu edu’ tayni saca i paylumaluma’an niyam, sunuk sa micumud i payluma’luma’an, caay katinengi niyam ku nipicumud i luma’, alaw mamin ku i hekalay nu tuu’d a kanen. sakatusa a demiad tu sananal, matineng tu kya nani’ tu nipicumud nu edu’ i luma’, keday saw sa ku balucu’ nida, malingatu tu kya nani’ mihalhal misidep tu nikatayni ninatabakiay a edu’an, keday saw anu tahekal kisu a kasenun han nu maku kisu a midakep mukan, anu madakep tu kina edu’, a haymaw han nu maku musemsem mukan, nikahida idaw tu ku sakabecul nu bili aku. nikahinian nina kawawan, macunus tu ku nikanamuh nu niyaduay a tademaw i tina nani’an, pangangan han nu niyadu’ay a tademaw ci “ matinengay pakungtaw a nani’ han. 

idaw waca ku cacayay a demiadan, laliw saca ci Hana nani’ mutacuwaay hakiya, makakilim namin ku niyaduay a tademaw, caay pakatepa, malalum namin ku niyaduay a tademaw, mabulah tu waca ci nidaan. nu pina:ay tu a demiadan hakiya, taluma’ saca ci Hana nai’, idaw ku nipiladay nida tu limaay a wawa nida, alaw han u mulecuhay ci Hana nani’, malauyna tuwaca ci nida, si iluc tu ku niyadu’ay a tademaw.

有隻小貓是社區的大明星！小貓有咖啡色眼睛、淡黃色花紋，沒有家人，獨自來到部落。社區老鼠很多，經常被弄的亂七八糟，現在，我們不怕有老鼠了。小貓成為部落守護者。

有天，一隻又大又壯的老鼠偷偷溜進居民的家裡，神不知鬼不覺的把東西全吃光。第二天早晨，小貓做好捕鼠準備，立刻撲上去捉住。事後，居民們更加喜歡小貓，稱為「功夫小貓」。有天小貓突然離開，大家覺得很難過，過一陣子，帶了五隻小貓回來，原來當了媽媽。