朗聲四起

Matingmut madia’ uvavaz pantu’, tan’anak palalotu munhan kaku’, heza’ sinsi’ ihan hilav vi kaku’ mantatala, pasadu ka pantu’ i sinsi, tuskun na pantu’ masumsum sinsi’. tupa tu “miqumican sinsi’ ”.

Kandapan hilav vi kaku’, sak ki icia ismut cin lukic sinsumbang tu hivhiv. hancuman na ngutuc ci vevivevi pauq tu hancum mukunbu’ i kaku’. madia’ a masanglav madangqac madolac macinghav mano’az tu puaq, maqenan mantatal zamin minsuma. manaskal la is’ang munhan kaku’, pasadu uskukunan tu masitoqas masinoba’.

Mulongqu han pangka’ namuskun ma’un petutingmut tu na konun, mungausang paqusinl li konun, antala tu tanangaus ni tu minpungul matumacqing tamadiqanin, musu matumacqing mininata’ kadangaz pinsuma konun tu tamatina. manaskal la is’ang mina’un tingmut, tan’aun tu abuqan mina’un ni sinkadedaz ni tu saqalan tu tamatina. abuqan na ma’aq qa bungu ka tintua tu na isna’van ni qanciap telklac.

Qani’an isnava’an sinsi’ malastolu tu petasan cin qalinga, isnava’an sinsi’ malastolu masipul petasan, minqanciap sadu masipul malastolu tu petasan, minqaciapin amni malastoul bazbaz. isnava’an kisang.

Maqaciap kisang sadu tu pia tingting soqbung pia cui, maca pat cui tas’a tingtign soqbung, maca mabaliv hima’ tingting nga, na mapusan cui, maqanciap kisang paqusil mavaz, maca heza’ mac’an bunun, pavazun mindusa’ kumi’ a, na hima’ bunun na tas’a kumi’.

Minsanavanin qanaqtung ngi na sinpasnava’ haip tu qanin’an. muqaivin amin na vali, manaskal cam napudanunin han kaku’, muskun mindangkaz pistoqtoq bungu masumsun sinsi’ tu miqumicang.

Taskun cak kaviaz nak mudan mulumaq, panhan cam babalivan mabaliv kamacia, uka nak cui isbaliv va isbalivan cak ki kaviaz na tas’a kaping, maqa ka petasan han kaping nga tupa’un tu, 「二坪山凍凍冰」, maqanciap cam masipil petasan mastolu, tupa ka babalivan tu mamu maqanciap masipul. manaskal la is’ang tupa’un tu maqanciap masipul.

Ma’aq qa kaping tas’a ka mac’an qan dusa cui, dusa’ nam ma balivun na pangqa mapusan qan pat nam ma iscaiv vi babalivan.

一早學生排隊上學，老師在校門口等學生，遇見老師，起聲喊老師好。入校聞到草木香氣，也遇見同學及學長姊弟妹。一起共享早餐，先感謝上天及愛心人士提供早餐，心裡充滿感恩，飽足感使頭腦大開，開始學習。

上午老師教課，也學了加減乘除的概念。太陽下山，課程結束放學，起立向老師躹躬，謝謝老師。我和要好的同學一同回家，我們去店舖買冰，那冰袋上有「二坪山凍凍冰」，我們會唸，老闆讚許我們看的懂，心中暗自喜悅。