朗聲四起

manamuh kaku tu sasumasumad sananay a puu’ nu mihcaan, satahatahaw sananay a puu’ nu mihcaan, i lalud masalidung ku papah nu kilang, i sadingsing malubic ku heci nu lusay. i kasienawan cuedet ku demia.

i palaludan, malasumanahay kaidengan tu a cilal kaku, tumesen aku ku akuti’, pakadihku tu hekal, “ mapaedil ku maudipay ”. nikahaminan mibaca’ ku sa mapacilu’ aku, acak satu; nipaluma nu adiwawa tu balu, pacilu’an pakaakuti’en aku, padihkuen aku kya mabutelak ku sapal; nipahabay nu babalaki tu siudipay, i sasa nu likat aku, idaw ku satebutebutay maduba’, idaw ku muliyatay misasapi’. manamuh matawa ku tademaw caay kaputun.

i lalud, malatingalaway a nanum nu cilis kaku madadingu ku sasa. kakaymawan a buting miladay i takuwan midang, i tukus, masalidungay a kilang, misatahaw maudip. miala tu nanum ku tademaw, sipibaca’ sipananum tu balu, idaw ku midanguyay, makadih tu manamuhay a tademaw, maadiadih ku namuh, u duma ku lipahak nu nikaudip aku, u sakahini sa idaw ku nipainiyan tu tademaw.

kasienawan sa sienaw ku bali, makakabukabung amin ku tadewaw tu dikuc, malecad tu mali, nika, paymihcaan sabaw tusaay a bulad, tusa a bataan idaw ku lima a demiad, namakaamis ya salengacay a sulda kaku tayni i cuwacuwa a kanatal. muhalhal tu wamin ku adiwawa i takuwan, u Sen-tan-law-zen kaku. sacacay sa kaku. sacacay han aku pabeli tu sapakelid i adiwawaan, sipakayni aku i saayaway a intuc micumud, mamin mupadeng tu sapakelid, tayda aca i sakatusa, i sakatulu, sakatusa a demiad, nengil sa ku adiwawa, makaadih tu nu udip a sapakelid tu tuud, namuh satu a miuyuy!

四季各有特色。春天萬物生長，夏天樹林成蔭，秋天果實豐收，冬天寒冷。春天用滿腔熱忱給大地帶來溫暖。夏天河岸上綠樹成蔭，生機勃勃。秋天是個舒適的季節。冬天送每一個小朋友禮物，當小朋友醒來時，見了自己的禮物，都開心得歡呼起來。