朗聲四起

kay Ngudradrekay, lu kaungu lu pautaleke, singikay ki caicaili ki dramadramare ki vai, paubalribalrithi lredreke pautaleke. kay Ngudradrekay kaika satalekane, malrigili paukalra pauadrwa ku taleke, lakathathatha ku tapangimiamiane tuakaneane ku lataleke.

ku makucingalre ku katalekane si kanekanelringa lini, la kay amani kay becenge, urasi, tai, lapanay, lalacenge, belebele. ai, ku makuciacingalrenga amani kay becenge. asiluiyane, kay becenge, katalekane, yakay ki lrisi, twalrubu, twacinabucabu, twaabay, twakeceegane, twabava. Sarakeraketane, sararukurukudrane, saarakayyane apatumatumane. luka kalabecengne, tangidrakakalane kalalrisiane la iya madu.

sanaka kadrwa ku becenge, kadrwa ku peravane, kadrwa ku paluludane ku nitaracailane. sana ikay ku becenge, makalra ku gathimi, makalra ku mathariri ku kakwakudhane ki wacekecekele, ki retesane ki sakatucekelane. kay becenge, ikay ki tacekecekelane ki Ngudradrekay, amni ku maadradraunga ku murikaikai nay, amani ku sidramadrama nay ku amanilringa kudra katalekane nay.

kay becenge yakay ki kadaengane cebe, amani ku cekele ini. ai, kay becenge ikay ki Ngudradrekay, ikay ki kidremedreme nay, taingeane ka makucingalre ikay ki niake nay panianiake, lakamani ku cekele ki becenge yakay ki niake nay ka Ngudradrekay.

魯凱族的傳統產業以農業生產。魯凱族的農作物，主要以小米、地瓜、芋頭、玉米、一些菜類、香蕉，最主要的是小米。小米是不可或缺的食糧，是祭典必備的食物。小米豐收時，是魯凱族豐年祭的開始。

有小米，部落的任何活動就很有意義。不管是家族、親戚、部落都會平安順利。小米在魯凱族的社會生活中，是我們最主要依賴、期待的食糧。在魯凱族人的心目中，小米佔有很重要的地位，與生活息息相關。所以，小米的故鄉也在魯凱族生命裡。