朗聲四起

kay Ngudradrekay lu mutakelane ki cayli ku langwabalribalrithi ka sawvalalay. kiapaelre ki mwatalailaisane. la ikay ku tarabulrubulru ku latatama, kikay mwa talailaisane, piakay ki tangidrakakalane ki dramare, la mwa kavay talilregelrege kicaucakwane.

kikay mwatalailaisane kai wakanekane ku akaneane, kaidu waungungulu ku acilay kiaangatu madu, kiacaucakwane madu alupu, la kicaucakwane madu ku apatumatumanane ki aungane. kudra kiangatu madu lu tulrepengane ki mwatalailaisane, la baai madu ki matiakukuru.

lu mutalailaisane ku kiapaelre ka mwabalribalrithi,la singikay ku takiadilane madu, tapakelane madu ku vai.

ai, ku kiapaelre ki mwatalailaisane ku mwabalribalrithi, ngwalay ku lrumalane gathimane si la tara palribate ki makapitulu ka vai.

lu tulrepenge ku mwatalailaisane ku sawvalay, la mubalriw si la kikisenay, la dralray ku sakatucekelane.

lu kakiapaelre ki mwatalailaisane kay lamalala ku patwalrepenge, amaninga ku swadalepe ka langukathabarane, idulrungasu ngisasirapale, la sudalepenga silape ku tacekecekelanesu.

la kamani kay Ngudradrekay, twakucingalre turamuru ki tamu talailaisane, amani ku sabulruane ki lavavalake ki yacengecenge. la kuta ka ngwabalribalrithi kicapali ki cekele, lata tukucingalre kikay mathariri ka kakwakudhane.

成年禮是經過特殊訓練的過程，成為可以加入大人各項活動的領域。成年禮的儀式，是在舉行豐年祭這個月分來進行。地點在部落深山的地方。成年進行的過程中，有很相關規定也要學習很多的東西，如：砍材、打獵、耐力。砍下來的木材會送給需要的人。參加成年禮的人，務必超過三天以上。過程完成後，成為長大、可以獨立的個體。回到部落，所有的族人會以歌頌、跳舞恭賀你完成一個階段。

魯凱族很重視成年禮，是教育下一代最好的課程之一。