朗聲四起

sa aruzay a rusaw kahiwan niwan tu sakpin iamin thau ya zainuan aruzay, maqa ya aruzayuan mathuaw marium sa thithu a qut, numa ya ktalha sa pania’an antu miaramaz, mani antu miaramaz maqa manasha sa qut. numa kahiwan iamin ya mara sa aruzay langqisusayuan a aruzay, qauriwan iamin tmalishuqish tmaniza sa sazum, apashra’inuan dai. 

numa iamin kahiwan ya smapuk izai aruzay, smapuk s izai mara’ira’iniza wa aruzay, shana makalhturuturuiza wa tingting, isisuaiza ya thithuiza sa sakpin sa Thau, maqa sa izai a aruzay ianan sa mathuaw mara’in. makthin larima wa tingting, sa mathuaw mara’in, makthin a tingting, makatanathu a tingting a aruzay mara’ira’in, miazithu a aruzay zain sa Thau “fanilh”. numa sa thau antu smapuk sa izai aruzayuan. ya mara’inra’iniza zainiza fanilh, niza tu zain aruzay, ya aruzay zain sa Shpuut  “langqisusay a aruzay”, antu kaanin sa Thau, kalishuqish tmaniza sa sazum. lhanazaaniza fanilh, zain sa Shpuut “mara’in a aruzay”, miazithu sa pupanizan sa thau, pulhalhuzun sa thau. thithu sa sakpin sa thau, maqa maqitaniza ya kaanin, ukaiza sa madadazumdum a qut, mamzai azazak kmaan mani, shduu mani.

aruzay（台語稱為「曲腰扁仔」）這種魚當牠還被叫做aruzay的時候，邵人是不會捕捉這種魚的，因為當牠還是aruzay的時候，有很多刺，拿來佐飯配菜時，要非常小心，以前我們若是捉到aruzay，還是小小的aruzay時，我們會把牠挑揀出來，丟回潭裡去，將來牠還會再長大。

從前我們捕捉的aruzay要長到六斤大左右，這才是可以捕捉的大小。大的aruzay可以長到十五斤左右，十斤、九斤重的才可以說是大的aruzay，邵族人不會去捕捉還被叫做aruzay的魚。