朗聲四起

a likulraw zi trumay mu mareka’inavanava a awatr ziya. marayas salrangan muiyaiyan. kana saya wari, maredaulr nazu mukuwa pakulimaya, piya pakulima mu kazu i ngidiran kana valilruwan kuraridu zi, mazazayar nazu za, na haramehaman ziya mu mipinivalrayan za vulay atu humulr zi tu vinan, ali’! kemuda zi ’azi ta vavulavulay awa? ’alra ta tratruriyay kanini na nasuk na ’aped zi vulaya ta mu, kema mazazayar.

nu kemazu mu tratruriyay ku ziya inku kema na likulraw. ai kema na trumay, palrupe’u nu matra, nu ’azi ku piya mu, ilali’atr tu kuwayaw na likulraw. tu tratruriyay kemavulay na likulraw kemawan za runev tu trinuriyan. zi aruwa lra li’atr tu kuwayaw na likulraw.

meli’atr na likulraw mena’u mu salaw vulay, penauwa kana tu anger semangal na likulraw zi inu lra na tratruli kaninku tu kuwayaw na trumay. na likulraw mu, palrupe’u nu matra tu kuwayaw na trumay zi trematruri mu, kana pahetem tremuli kana likulraw zi maulep lra tivus alrupe’ lra. izu na ’azi mianger pakavulay kani ali’taw na likulraw mu, maratrang lra mu kakuda awa kema zi, tu tratruriyay peniya za ’uze’uzem. ’azi lra pauwa izu na zazeli zi, musama’ kana tu udung zi tu taherang a vulretri’ mulikaw kemawan za ’ilras. aruwa lra tu kuwayaw zi, meli’atr na trumay mena’u mu, ’uze’uzem peniya zi kasa’ilremes. kemawan za tu veliyasaw suvuliyaw na likulraw, zatu ’ilremesan venarelrang kana likulraw, “ kemuda zi kemani u ali’? salaw u temaraeman kaninku.”  kama zi, malali’us marepakalrawa.

na likulraw mazalram za’azi kiyaseker kana trumay zi penusar muitras za kawi mu na trumay muaitras kana kawi maranger ’emevang kanizu na likulraw zi, na likulraw mu iniyan lra za awayan zi merengay kilraman lra kana trumay, ali’! tatena’ pamelri ku kannu, irayan kannu, kema zi kemuret za i likuzan nu mirawa ku mu, kunuwa sama’anay mu, ninku sasavung sasungal za ku pamelriyan kannu kema zi maruwaday lra, ’azi lra marepanana’u nazu.

kemay kanizu lra, nu mirawa na likulraw mu tu kanaw na yavavak zi na zuma mu ka’azi semama’ veray kana trumay kema tu pauwayan.

在以前雲豹和熊很要好。一天兩人相約游泳，之後就在溪邊烤火取暖，彼此談論著牠們沒有眾動物擁有的美麗的獸毛與羽毛，於是心想就用炭灰來互相彩繪吧！

熊先幫雲豹上彩並要雲豹閉上眼睛，直到彩繪完。熊為雲豹彩繪了雲彩般的身體非常漂亮。換熊了，雲豹很疲倦，將熊全身塗上黑色的。黑色顏料不夠塗，在熊的胸膛就留下白色彎月的形狀。熊看全身都是黑色的非常生氣追著豹算帳，豹被追得爬樹沒退路，承諾每次獵到食物時會留一份給熊吃。