朗聲四起

’esi na ciciri cimʉrʉ, ’una ucani niarupaca karu kamanʉngʉ tanasa. tanasa isua, monon ’inia takuisi cina mataa manu in takuisi ti’ingai. patimanʉngʉn cina in miacara manu isua. aratatia cu manu takuisi . ’una ucani taniara. pakasiʉn cina sua manu takuisi: “manu! aratatia cu kasu. tia cu kasu kiatuturu putukio. takacicini cumacʉvʉrʉ. soni mu’uru’urua pa tumatacucu nimʉna cʉnʉ isi. mukusa vutunu tamna tanasa.” makacang sua takuisi ti’ingai mara cʉnʉ isua, musʉ’ʉ na ’aniacanga pusu’anʉ, makari cina in, arapipiningi cu ku, misee!

tʉni cu makacʉkʉna na akia cungkucu nungnung.esi inia kesoniʉn kee’apasʉ mataa ’arasakai: “ tʉni kara kamu mava ’ikua musiparʉ”? mariivari apasʉ mataa ’arasakai: “ ka’anʉ! me’icunu curu kasu! tia miakaka kimia. nakai ’una nesa macasʉ to’umangʉ, arao patakuviri na nungnugn. tʉni cu maica ’inia”. ’apaica kari ni sua takuisi ti’ingai. cucuruava! ka’anʉ rangrang matarava cu sipara.

macuvungu tia cu mupara cimʉrʉ.’inia takuisi pacʉpʉngʉ, ia’aa! cucuruana marʉngʉcai cimʉrʉ isi. tia kara ku tʉni maica ’inia? matʉnʉsʉ ucani rituka. kesoniʉn takuisi: “tʉni kara uparaʉn sua cimʉrʉ isi? ” marivari rituka: “ ka’anʉ rangrang! tantaniara ku maica ’inia!” pacʉpʉngʉ takuisi：makasia marangʉcai, cucuru kara nguain paira maica ’inia? matʉnʉsʉ manu vavuru, makacang kesoni ’inia. marivari vavuru: “ cucuru ’apitarʉ! nimaica ku ’inia miʉra, natia cu matapari’i” ’itʉ’itʉnʉ! tumatimana manu takuisi, makacang pui’i tanasa.

tinakacicini manu takuisi kipatʉsʉ mucimʉrʉ. ’apaco’e avuran kavangvang tina’an, nakai marivivini tinacucu kee cʉnʉ isua. makacʉkʉna na tanasa vutunu.

山腳住著山羊媽媽和小羊。媽媽說：「請將這捆青草送去高山上的鹿先生家！」小羊來到溪流，問蟹蝦：「能背他過去嗎？」蟹蝦說：「不行，那裡有竹子，可以用來走過去」，小羊到了對岸，心想：「山這麼高，爬得過去嗎？」兔子說：「不難！我每天爬兩、三次！」小羊問小山豬，小山豬說：「很危險，我昨天差點滾下來！」小羊聽完就轉頭回家。媽媽說：「要學著自己去判斷，再去試試！」小羊爬得全身是汗，最後把青草送到鹿先生家。