朗聲四起

a awatr ziya, ulra a saruma’an, mialrak za vavayan za zazuwa, kana saya wari, mukuwa ’emalrupa i temamataw, i tainataw mu tu pilralrangaw tu lralrak mukuwa kivu’ira. meredek i ’uma mu, matrangis za pakirev izu na maralrak, i vautaw na vavayan tu pazekaw anenaw zi tu dulu’ulu’usaw lra mu, ’azi muwai mapeng. i vautaw mu merengay lra kani tainataw za pasusui ziya tu kuwayaw mu, kemurutra ku ziya kana vu’ir zi ku pasusuway lra kema i tainataw. tu pazekaw i waditaw zi kemakawakawang emanen mengarangara za piya kivu’ir i tainataw.

maw mu, izu na taina, piya kivu’ir mu, payas mukuwa demuruwa kana vu’ir. masalr ziya merengay kani tainataw za pasusuwan kani waditaw na savelaw lra, nu haremay lra kema i tainataw. mengangara lra nazu na marewadi ’azi mazalram za sasusu nu aidan i waditaw. i tainataw melak kana dineru na vu’ir zi muitras i itras kana kawi na sina’sa’an zi mekan intaw sasa. tu pakalrawalrawayaw ’azi tu paekani tu lralrak, tu putanitaniyay kana tu ’ariw na vu’ir. i vautaw mu tu azukaw izu na ’ariw zi tu kiskisaw natu purumiisi zi tu pakanay kani waditaw.

muruma’ i temamataw a karawrauv mu, muvii mudalrep kani temamataw zi pakazalram za tu kuwatrengan ni tainataw, ngangay tuhuruy-- kinapalakan za trau kema maruni zi muvii piyazenan lra. ’ilremes i temamataw, musavak i ruma’ mu penauwa za venavi’as za zanum izu na taina. tu adasaw na minasuk na zanum zi tu tapesi’anay kana tu turuma’an kana tu ’ilremesan. kis- kis- kema kemesis zi mulisek kannatu kinerutran na tutus tu turuma’an, kuy aekanaw mu aekanan, kuy ’utr’utray mu takelung kema maselru zi mutitatutus lra.

有對夫妻生了兩個女兒。一天父親去打獵，母親帶兩個女兒去挖芋頭。到達田裡，妹妹因為餓哭鬧不停。姊姊數次請母親餵奶，而母親只顧挖芋頭煮芋頭又自己一個人吃，不顧兩個小孩。姊姊撿起母親丟下的芋頭皮，刮剩下的芋頭餵妹妹。母親吃完芋頭將女兒留在田裡偷偷返家。姊姊非常傷心，心想不如變成鳥，她變成了tuhuruy鳥，妹妹則變成ngangay鳥。傍晚父親回來知道了非常生氣，進到屋內，端起剛燒開的水往妻子身上潑，妻子發出kis-kis-的叫聲而變成老鼠。