朗聲四起

Qabas’sang heza tu tastulumaq , mataz in a tina, kopa in i tama, muskun isata tu uvaz’az bananaz amin benonoaz miqumis.

Maqasmav a tama haan nata kuzakuza, malqanup amin munqoma. Ma’aq sia tina ka kuzkuza’un a, sia ihaan lumaq tu kuzkuza-un a, sia amin i masitoqas uvazbenonoaz ta ka sais malkasia. Ma’aq a noba uvazbananaz  mapasnanava ang nait mazavmazav. Kananu kama langat nai ka sin’iqomis.

Na ni’i in zaav tu na lus’an i manaqtenga haan asang nai, kan’anak’anak amin a madadengaz malkasia kuzkuza’un nai ta. Kahanus a bananaz tu na qanup, kahanus a binano’az tu na kadavus, masangkun qemangsut, malansan amin sia uvavaz’az a is’aang tu na lus’an qa na dau ki manaqtenga.

Maqasmav a toqasno’az malka’uni ilumaq tu kuzkuza’un, malusbut naip minhahamu haan asang a issia binano’az a palkadada’an tu kuzkuza’un, tutuza tu meqdidengaz. Ma qa uvaz’nanaz a muskun i ihaan asang ta ka tataszang istaa tu uvavaz’az mazv’mazav.

Maq tu hai’pin ti pasiskun i u’uskunan siza ki panaqbatu, busulqatngatikis, munhaan di ngalan tu quma, malqazam nait malhaqo ki qamutis.

Ma qa masituqas tu uvaz’azno’az a, talpataz i ilumaq tu kuzkuza’un, talpataz amin i ihaan asang tu kuzkuza’un, sipungulan in istaa ka nobananaz a. Isdalavdav in a deqanin, kanaqtungan in a nanu tu palkadada’an, tinliskin i nobananaz tu mavia uka sadu’an a, minsalpu naip malanbaasbaas kikilim.

Taqo’an i u’uskunan istaa tu iska’isaq’isaq a, tis’uni qan na tu asa in mahepi kedu’anan i nobananaz, paaq pu’un miliskin tu na asa mita ka kedu’anan. Paaq pu’un ni’i nepa tupa ki takihaan asang ta tu bunun tu indangazavang kilim, lusqa nepa madas i ispatinsasapuz mudaan kilim.

Ihaan nepa masmutan ta tu’a’atikis luklas a, pasansingqal i daan tu na asa’un istaa ka nobananaz a madas mulumaq. Mopa ta nepa kikilim a. Musuqes in a kenanup, minsuma in a tama. kilim a tama ki uvava’az, minhamu amin a tastu’asang a bunun kilim sosanavan, lusqa nai saduu ki masmutan tu, heza ka tinsisingqal sadu’an, kai tu..., uka uvavaz’az sadu’an.

Solopa ku ka tuqasno’az kikilim, altupa tu ihaan qoma amin silazan haan masmutan ta, patinsingqal i daan kikilim i nobananaz ta musoqes mulumaq.

從前有一戶人家，母親去世，家裡剩父親、女兒、兒子一起生活。父親依舊努力工作、打獵與農耕。母親的工作，就由大女兒代勞。射耳祭即將展開，父親出發前，囑咐女兒要參與部落婦女的工作，好好照顧弟弟。等到天色將暗時，姊姊驚覺弟弟不在視線範圍內怕驚動部落，被父親訓斥、挨罰，便帶著打火石出門呼喊，都沒有弟弟的回應。爸爸回來了，到處都不見孩子蹤影。直到現在，姊姊還在田野間、在草叢間，敲擊打火石照路，要找弟弟回家。