朗聲四起

Ihan maklang tu qani’an, matingmut  musu ca qalua’ mindangkaz, na kitnga tansusuluk palalotu munata maqasmav kikilim mi kaukunun, na ainpucun han lumaq.

Muhaz ca balinauqaz maldiqanin cilicilicili cilicilicili tu’i’ia tusauc tu’aniv vi kaviaz cia muskun paqaqainan, malisvala miqumic ni tu pismantuk tu na makua ca laqbing.

Maca kapupuaq ca lukic ismut kalac na kaunun tu qani’anan, muha ca balinauqaz maldiqanin malisvala pismantuk tu langat malqalmang nga kakaunun, mastan kanahipun na qani’an! sadu ca balinauqaz is qalua’ tu malkama’az naipun cuna tinbacbac cauqaiscauqais ancacaqan ni tu pandu.

Tupaun balinauqaz ca qalua’ tu, malqama’a qa amu cuna, ni tu pandu maqasmav sala tinbacbac ancacaqan. mintuna mulungqu, samuqa maszang zaku tusasauc, niqa macial?

Ni ca qalua’ antalam is balinauqaz tupa tu: ni cam maqtu maszang su’u, muhaz tusasauc malisvala maca han kapupuaq ca kakaunun tu qani’an, asa tu maqasmav kavava madainpuc kakaunun na ma’aqa ca kaunun maca na makazhavin.

maca laqai ca balinauqaz tan’a, tupa ca is’ang ngi balinauqaz tu ma valavala miliskin ngi ni’ang kadip ca makazhav.

Ni tu talpia diqanin na minmakazhavin, kaliluvluv ca diqanin makazhav ca luvluv a lapavan, uka’in ca kakaunun maqtu kilimun ma’un, muhazin ca balinauqaz matukuis matutaukhav katangkatang taungqaztaungqaz daukdauk mululuslus mudadan han lapavan tu qani’anan .

Qaltu lapavan makazhav tu qani’anan, ni ca qalua’ macalpu, ikumbu’ i lumaq malisvala, abuqan mama’un ni kakaunun.

Manahip ca qalua’ ilumaq malu, mintasal ca balinauqaz ihan hilav vi qalua’, makuscaiv han qalua’ tu aivavang cak tukuc kaunun, masauqzangdaingaz cak, na mungain nak patazus sauqzang!

Tinquza a qalua’ sadu balinauqaz, tupa’un qalua’ tu: su’u ca muhaz tusasauc a balinauqaz za! kunbu’a’ lumaqti, ma’un kakaunun ni, maca mintaiklac in na, na mauqna’ tusauc pinahip pi is’ang tu sintusauc patana’ zamin, pis’u’usaq ca balinauqaz i kainahipan tu usaq, matumacqaing  icia qalua’ tu sinkadaidaz.

夏天，螞蟻們每天一大早便辛勤的工作，蟋蟀則天天「嘰哩嘰哩，嘰嘰、嘰嘰」地唱歌，遊手好閒。對於螞蟻辛勤工作感到非常奇怪，便邀請螞蟻們休息一下，一同唱歌，但螞蟻仍然繼續工作不休。

冬天到來，冷風吹著，天空下著雪。蟋蟀消瘦，也找不到食物。螞蟻則存了食物，並建立溫暖的家。

當蟋蟀找到螞蟻的家時，螞蟻們正快樂的吃著東西。螞蟻們嚇了一跳。趕緊拿東西給蟋蟀們吃，面對著善良親切的螞蟻們，蟋蟀留下欣喜的眼淚。