朗聲四起

Tupa-un is malasBunun a老鷹tu kukuhav, sintupa tu, ka-a tu masku-av zaku. Heza dau tu tatini bananaz a tupa-un a ngaan tu Vili-an, tos-uvaz-az istaa binano-az tu tatini vaz-azno-az a samuq is mataz a binano-az a, maqanimulmul nepa untini-an a kingna ki binano-az, sidudu-an naip siza ki mahaqbung tu binano-az, mangmang is malka-uni issia eltangusan bananaz istaa tu vaz-azno-az tu mapiqdi salaz, maszang naip is ikunbu haan sapuz tu miqdidengaz.

Minus-an munba-av ludun istaa ka tama qanup a, uka sanavan musuqis, tupa-un i Sani ka Pizing a tu, uvaz-az, ma-aq is kanaqtungan su-u ka lukis un maqatul a, na pakonak asu sanavan in i duqtas, tan-a ka Pizing a tu na pakonan i duqtas a manahipdengaz, mintingmut naip kitngaa kuzakuza, sosanavan minlangatlangat kanaqtungan, tonadiip in tu na ma-un i qesing a buluqbuluq sia ta ka tian, ni-i ka tina masaiv istaa ki duqtas a, iskilim ang i duma tu kuzkuza-un mapakanduldul sia, kaho-un i tina kis kinsasoqzang tu na asa ma-un, lusqa in naip siqalimudung haan tapaha tatangis.

Pa-un ang ta ki tina istaa mapiqdi pakuzakuza, pindusa-un i Pizing ta ka qapung matuktuk pin-uni pani, maku-uni asik pin-uni ikul, mopa ta nepa matinmananu malantanam kusbai tu, na asa sisbai haan kiningna-an tu tina ta, matukelakin istaa ka diqanin, tuza tu maqtu in naip makana-anak kusbabai haan diqanin, munlumaq in a tina istaa, saduu tu uka Pizing a, matinmangmang mahau, matiplaq luklas issia ta ngaan, ma-aq tudiip a Pizing a, mesnahaan diqanin tupa ki tina ta tu, tina! hendii saak! makanmangqa ka tina sisi’ngas tupa ki Pizing ta tu, uvaz-az munastu-a! ka-a tu masku-av zaku, na peskahaip saak ni-i in muqna maqetbas su-u, na pisihaluk in asu madedaz. Na niqu ka Pizing a asni-i amin sidahda ki tamatina, uu tu tutuza tu ni-i in nepa maqtu sisasaa ki issia tina tu sinpiqdi istaa, tangis nepa tu haip in ti! Ma-aq sia ta ka kesalpu-an tu baqbaq a panahaan issia tina tu mumudan a, pansuu ka bungu muqalqal mataz, ma-aq a uvaz-az a min-uni in i kukuhav.

Paaq pu-un, peskatudiip sia Bununtuza ka kiningna-an tu tina ni-i in maqetbas i issia eltangusan tu uvaz-az, mapising in tu biaq is tutuza tu minmopa ta. Madia sia Bununtuza ka binano-az a asni-i tu kingna-un i heza-an i eltangusan tu uvaz-az, ma-aq sia Bununtuza ka binano-az a aza-aza madadedaz i uvaz-az.

布農族稱老鷹為kukuhav，意為不要離棄我。

Vili-an的妻子生女兒Pizing即過世，他續弦娶了Sani。有次Vili-an去打獵，Sani對Pizing說，若今天將木材堆完，晚上就給鍋巴吃。結果Pizing從早做到晚，但Sani不給鍋巴吃，還讓她罰站，隔天又故技重施。Pizing灰心地將簸箕切成翅膀練習飛。終於，成功翱翔。Sani找著Pizing，Pizing對Sani說，我在這裡！Sani哽咽說下來吧！不要離棄我！我會好好愛你。Pizing不捨父母，但無法承受折磨。她淚水劃過Sani的脖子，最後，孩子變成老鷹。