朗聲四起

ko nadroma yakai ka likolraw si konai ka swa Drekai kadro wa kanekane sa likolraw, twalisiya saka thotholro lro wa walro’o lra motokolo, kwadra lro ’amolri kwang wa ’asalisiyana molrisi lra ala kola’ai mala idra langici si idra valrisi, si lro ikai mita ka cekecekelre ka maboy lro sira’alre sa kadrwana siyavalrisi, kata amwa ’a’iya wa sarareta si bai sa droma ’asi ’ana, lra wa ma la si’ana si alakola’ai idra langici si ala idra valrisi, lro kelra ilroko ’obaliyo ’iyakaiyana lalawa, si ’adawlro idra marodrang idra maligilri ’asalisi, si lro maka’asalisi, kadro maladalo modane amwa makakai ’alakwa, lra ikaidra marasikai idra langici lrwa kace si ’avay si ala movalrisi, lro karedamenga kwadra ’inava ivaiya ai ’asalisiyana lrai kalralreketenga dwavace modane, si kai taikaiyaneini ki maka’iyalre kai cekecekelreini, lra wawa bwai sa akanea neini kadroi kalralrekete modaane twalisiya.

魯凱族禁忌吃雲豹，吃了會氣喘。去打獵時，看到雲豹掉進陷阱還要拜拜。若要拿掉不吉利的事，還是得殺雲豹，拿皮跟牙齒。如果一家有懷孕的、有還沒長牙的嬰兒，就無法靠近，要裝作不知道，不管雲豹，留給別人當成是別人獵到，讓他們拿皮跟牙齒。拿皮跟牙齒回家也要在野外拜拜，找很會拜拜的人處理，再到集會所處理皮跟牙齒。