朗聲四起

ko nadroma kai tamia, sa dadavaca kadrwa, lo ikai ka makocingalre ka vega si lo matoma, amwa alrakoa elaela kialribolo, mwa atothingale dra laretesa, swa alrakoa kilalra dra vaga, odrava mwa ino, akase sikaolo ki sanga mwa, si kalalekete twlre’eng atomana, la mani kwadra ikai lrabwale lo icengecenge makanaelre lo kisikaolo.

kala becengnga kai swTaromak tokocingalre kai bekase, kwadra lo bekase mosaka eea siyolri ka sanga, amai kwadra makececeng ki cekele, mareredale ki cekele ka omase, kalalekete alrang tw alibaebang na ki’ing toacase, maro athingale kai omase malia’ay, maswlivate lo lrabwale, angi sitolrolo asanga congolo, ai sinagane sange alralrawtho kaivai ka sabebelenga kai sasanagane.

kai marwdraodrange tama si tina, wabolro ki lalake kiaelre kicakwa lrabwale laysi, akakeceng si kicakwa sakiadiadili, ai kalalekete angimia sa alibaebang kalia’ay lo lrabwale, la sanga sinagane.

“matika sa lrabwale” naia Tararomak makadwadwanga kocingalre, sini kadroma amani ka cwsasi twthariringa kinawmasa si arakai ma’akoakoa makarakara, la may lo tokalalrisiya kai mokathabara congolo tokocingalre ki kakoza Taromak.

從前交通不便，為了傳遞訊息會派sanga完成通知任務，以便傳達第一手訊息。跑步成為選拔優異體能與快腿傳令人選的活動。Taromak部落小米收穫祭的開頭戲是「山林馬拉松」比賽，冠軍稱為sanga，連續三年sanga者，是最高榮譽的象徵。父母為了讓孩子獲得此一殊榮，往往要為孩子進行集訓、減重，為家族爭光。

「跑步活動」是最原始及最自然的身體活動方式呈現之競爭活動，配合小米收穫祭與青年會所組織的傳承，形成Taromak獨特的文化。