朗聲四起

Isia mas unghazavan tu talabal, malmananu a iahlulua kuzakuza. kaupahanian macingmut minkailas aat mahasmav kuzakuza. kaaz a haludung kahuhuzas, pishasibang, kaupahanian taimazavmazav anis mal’upacin.

miliskin dau a haludungan tu Langat ii supah a kakaunun isian buavtan, supah amin a lipuah isian ludunan, kanaskalun tu talabal a daingianan, mavia a iahlulua’an tu miahdi kuzakuzai? Nibin mahtu silili mas zaku tu mal’upacin manaskal i?

paha malal a haludung mas iahlulua tu, ui! iahlulua, mavia a kasun tu mahasmav kuzakuza i? misasaana islunghu! masial aupa mais maszang mas zaku tu kahuzashuzas hai?

haitu, maldaukang a iahlulua mas isaicia tu iskuzakuza, aat antalam mas haludungcia tu, asa mais talabalang tu masangkun mas nakaunun mais hamisanin. paha nii tu mahtu mapinmamaaz mas hanian. Satamal a haludung tu tai’aza, aat mahainan tupa tu, aiskai!, taimangaz tu iahlulua, mazava mililiskin mas habasin tu napalkadaan i?

Maza mahasmav tu iahlulua hai, masvala sia hamisan, aupa supah a isaicia sinangkun kakaunun, musasu pisi’alunin amin isaicia lumah.

masupaav a dalah, uka’in a namahtu kaunun, kaazin a haludung kaa makazav aat kikilkil, musasu tu masauhzang, aat miliskin dau a saia tu, anamasial mais maszang mas iahluluacia tu mapalsanus mas kakaunun masa talabal.

kaazin a haludung kaa kandadauk kilim mas iahlulua tu lumah ii na’asa’ang pakaunan mas manambuh tu kakaunun.

paha mita tu uvaaz, asa kata tu malusbut mais mapasnava, malmananu mais kuzakuza, mais maupacia hai nanii tu mintatulun, aat namalsisial a minhumis mais habasin

paisnasia iahlulua tu mahasmav siin haludung tu makasa, naka’anak’anak amin kata haiap tu makua a masial aat naminsia a imita sininhumis, makua a nii tu mahtu sililiun ii namiahdi mais habasin.

夏天，螞蟻們辛勤的工作。蚱蜢則天天唱歌遊手好閒。蚱蜢對螞蟻辛勤工作感到奇怪，偶爾休息，唱唱歌不是很好？但螞蟻仍繼續工作。冬天來了，北風吹，下著綿綿的雪花。螞蟻舒適的生活，建了溫暖的家。蚱蜢卻得去找螞蟻乞求食物充飢。做事情要分清楚輕、重、緩、急，好好讀書、做事，就不擔心來不及完成。

從兩動物的比較，我們應該清楚知道，哪一個是我們的榜樣，哪一個是值得警惕。