朗聲四起

dhidhapeni a’ivivai ’aamadhalae mo’ivo poca’e ci’o ’ilo ta tokaicae  la ’i tiyono ta cakocakopo molrae, to’avelre tovakahe lana ’i tocihoe, olrihookai ka pi’a a’olalai.

to’ahaki taecelrange kilri poca’e, mani to’ahaki tadhiliyange tavala’ava’a, ta’aleke’eke tapoli alrai, poa poca’e palolodho tapa’iidhedhemaeni. lo tonavinidha, opoa poipaidhi tolrimoomocoho tolaciicipi’i ona ’apokamosingi molrae, patolinai lrevake longai kamosingi,  lo pi’angai ana, odholronganai ’imolraae.

nao to’apa’a lo miyalidha pi’amadhalaena moa ’olraae siyave ’ali,  mani poa topa’ai. lo ma’alritingadha mani kasekase poa solriti, alranga topa’ai pakapacai, lo mapacaingadha, alra solriti poa ’eve’evehe, mani patolalinga to’apa’a. lo lropengengadha to’apa’a, odholridhe to’ahaki ’opa’apa’a lo ’apecedha la ’i topa’ai pahai lelepe vecenge.

ona’i aikinanai ka’oponohae okaodhiname ’aena’enao, to’ahakinai dho’o la ’i avo ’ena’enao. takamelre’e ’enao ’a to’ahakimao alrima ’enao, ta  kateke molrae o’iisimao to’ahaki dhapale, lo ’iisimao la ki’ini’olra  kodholro, to’ahakimao ’angato tongetange, poamao sovesave, makape’engamao oamao topa’ai, mani kaalapai lo omecengamao ’oilri. 

傳統婦女的工作包括刺繡、串珠、做揹帶及針織、縫補衣服、編大圓型竹編盤、竹編籃、做工作袋等。刺繡用黑色的布，用紅、黃、綠、白等色的線刺繡。做傳統套裝時，縫上圓編織和扁編織的鈕釦環。編草蓆要先去砍月桃樹、曬太陽，再將皮剝開、曬乾、綑綁，製成草蓆。沒有洗衣粉就用無患子和灰渣洗衣服，用手洗、用腳踩，擰乾後拿去曬，再帶回部落，遷村搬到新萬山後，有電之後，購買洗衣機就不再用腳踩衣服。