朗聲四起

“Lapangolai” ’a taikikiyae mohilehe’e o’i ka’oponohae, naitopatilai mohilehe’e kapalehe’enga lo miyadha takaeaea caili, o’i a’olalai odhaace moa ’olraae ’iyalrame. lo mataadhi’inilidhe aalrame, mani solrahele ’iidheme “Lapangolai” mohilehe’e. maesale cinekelae ocao takapalra ’ina dhidhape, kasadha ta kaca’eme, ta pakatoalake, ta sivahange, ta kalreme dha’ananae ta kidholro takapalra. oha’eve kidholroka ka molatatadhe kamaiki dha’ane ’asengelae.

ona’i ta’iidhemaelidha maelre, ova’oho kapadha’anenga. mani amece takaeaea ove’eke lapodha o’i ta’asaecengae lehe’e, mani cavecave ’asahovo asavasavahe, oa matilivi valrevalre’ae ’odha’adhao o’i asavasavahe, o’i ta’asaecengae lehe’e mani alra ’aalodho poa tolo’odho colo’olraedha ove’eke, lo koikoingadha ove’eke, vo’ahe iya ’iidheme dhakehale moa malra toalrai apoto. o’i aivivai aaha’a vahangedha ove’eke, dhaace ’idhe’enge valrevalre’ae ta oa malra apoto asavasavahe. o ta cohoko dhakehale pakanidhe ’ima’a, o ta kicohoko dhakehale pakanekaidhe ka ’ima’a.

paloaloave omiidhe ta i’amadhalaenga movalriyo, ona a’oilringalidha moa “Lapangolai”, mani sopehe！’ehe apoto solriko dhonalo asavasavahe, palailai “hiipangolai hitiniyolo akeakece tavenanane valrisakoa’edhe kolravilravisi aiaila o.” mani kilakili “takaocalraeli, okaodho ka simisimili.” alakai oonai ta kake’ecenge ’iidhemeni, ona ta kahalrahalrange odholro ’ivalra, mamelre’ekai ka ti’a ’ina dhidhape.

’iniyaelre kone takavaa’inga moa ’ina “Lapangolai.” lo makakanengadha mani salrikonga toloholrae omale, icokinga maa’a asavasavahe avalrovalro, paokela lo volrilodha koli’i ila mani palroahaahai, odholrokaidhe ka pa’oilri pa’atedhae votolo la va’oho, o’avoolongidhe piki dhona. lo ’oilringalidha dha’ane, mani to’ake’akene todholrilange talavoelidha, mani poa ’oela topoi, patoloho topatilaingamita vao’ae ta kaeaea caili, ’alikinga ’ina topatilai kapapelehe’enga la lehe’e ta kaeaea caili. 

Lapangolai是舊萬山部落舉行祭祀的地方，男人要去聽鳥叫聲，吉利的鳥鳴，就準備去Lapangolai祭祀。全村都要參加，除了生病、生完孩子、孕婦、喪家不用參加但要待在家裡。

家家戶戶要燒飯、殺豬、煮內臟，年青人要衝河邊拿圓的大石頭（代表人頭），達成任務的年青人才能吃肥肉。第一位回來的是英雄，勇士們會共同舉石頭歡呼、報戰功、聚在一起用餐、圍圈唱歌，直到太陽下山，吃不完的豬肉、飯就地掩埋，回家要清灶灰、重新起火，代表新的一年開始。