朗聲四起

maruka cacihli pakiaturua kiahlahlahlamu karina hlilʉmʉmʉkʉ mimiliki mahluahluasʉ malapalapangʉna, umahlikua ’ihlicu langica pakiau amihla, mimiliki mahluahluasʉna, tumua iatʉhlʉnga sahlumuisa iniciki’ai tuahlʉ malimucucua ramiaisana, malitʉnʉlʉ ihlau, tuahliumana siacalaiu matacapi usahlʉ siaravacangisa tumangura macuisa umusahlicu

pakiaumana kana’ana, hliulavalava ’ihlicu langica tumua kiu’u kuna sahliakuaʉisa tahliaria malitʉnʉlʉ ihlau, uvuraisana sihlangʉ aunanacua tahliariana sumahlikua sasaruanana.

pauhlaluhlalusumana kana’ana pakiau amihla kani’i tumua kana’ana apauruhla parahlatʉra siahluamiaisa kani’i kiu’u mimilikina, makacani apaicavu mahlipi uruhla, miungu curuvanaisa, kiu’u mimilikina maci’icu musa kana’na kihlahlamu cacihli pakiaturua, kiahlahlahlamu karina, amihla pakiaturuana, hlilʉmʉmʉkʉaku mʉmʉa kiu’u tamuucu hlimahlutavuhluvuhlu’u, kuaku tuvarʉ’ʉ parapihlisana usumanʉ sitakuamia.

ucanika hlipakiauaku ’ihlicu langicana arumukaisa mimilikina, tuahlʉ maru hlipaiatuhluhla ’ihlicu langicana, mahlulangica mahlutaisa, marumaruita maci asi, siaucani pakiaturuana asi matumuhlua hliacahlikia, macahlia takacicihli ngasaka pakinia, kuapalupalu ’ihlicu langica kani’i, kana’a atamahlʉngamii. ngasaka mairahlu palungu cucu’u, ihlaisa ’ihlicu langica mataingalʉ macahliatuata, ta’iaraisaka macuisa macahlia pakiniata, kamicicu umaru tʉkʉ matialu hla musuturu, maramacua hla atʉhlʉnga.

有個牧師種了一棵橄欖樹，向上帝禱告說：「求祢降下甘霖，求祢給陽光，也需要冰霜來堅固它的組織。」沒想到，結霜的晚上，橄欖樹死了。另一位牧師也種了一棵小樹，只是禱告上帝提供橄欖樹所需的一切，就在上帝的照顧下，長得又高又大。

我們很像第一個牧師，期盼上帝依照我們的想法做這做那。誰才是真正的主人？正是上帝。祂更了解我們的需求！無論風霜雪雨，適時給予。我們只要用心去接受，在過程裡學習，心願就能達成。