朗聲四起

kamama:tol katawsas’i: Sin ka’tala:en, siya 19 tinal’oemaeh ray ’amilika: kamapaskayzaeh ka kamahayap nom rima’ ray ’ilaS, ma’ ray kabih kakiSsobae:oehan kiSka:at ka tiyanaw. ’am kiSka:at o matawaw ’aehae’ hahila: ma’ ’okik lal’oz. ’ana nakhiza siya ma’ lomoehloehay ka kapa:tol.

siya ’a’tor koma:at ka kapa:tol komi:im kamatatilhaehael, tomihoero: ’aehae’ minkoringan kapa’onhaelan. lasiya hingha’ ka tinal’oemaeh, ’oka’ o minkoringan ra:am koma:at, nisiya minari’ ka rinokol ki:raeh koza’ ila? nisiya kina:at ni ka’tala: ma’ minowa’ a tomal, nasiya pina’onhael kina:at ma’ ’akoey ka ’ima kayzaeh kapa:tol, tabin ’isahini kita’en ma’ nonak a tomal!

’aehae’ minaSangay hini minkoringan maraS hi ka’tala: rima’ kansiya ’ay ’oem’oemaeh manmanra:an. siya ra:am hi ka’tala: minowa’ a tomal ma:tol. ’oka’ o, ray ’amilika: ’am ma:tol tikaehaw ’oka’ ka kama’alra:an. lasiya ma’az’azem ’am miya’alay rayno’? ’isa:a’ minkoringan Sa’, “So’o ’az’azem nonak, So: Sahpi:ih ila 5 tinal’oemaeh, So’o ’ima matawaw ka kano’?” bazae’ ka pinayaka:i’ hi ka’tala: homSoS haSa’ ila tiSkobae:oeh. maySoSowaw hi ka’tala: maybalbalay ila mayaka:i’. tabin hiza hahila: siya miyakapa:tolan haeba:an ’ima minowa’, ’am Somir’ar ray ’ima hayza’ ka pina:tol hayhayno’, sa’sa’ih ka hahila: matawaw kil kamama:tol. minkoringan Sa’, “sa’owaz ay?” “So: So’o ’am hayza’ ka kapa:tol katibae:iwen; ray ’ima Sopat tinal’oemaeh So’o ’am papoe’oe’ ki kamapaskayzaeh ka kapa:tol; ray minayto:ol tinal’oemaeh So’o ’am hayza’ ka ’in nonak a pina:tol nom pakbazae’ ka saboeh; ray minaypoSal So’o ’am hayza’ ka tinal’awan kapa:tol ’am ma:tol ila; koe’hael So’o mina ’ima tal’awan ka kapa:tol, ma’ ’ina lomoehloehay ila. ray ’ima SayboSi: ’ilaS ma’ ’am hayza’ kapawhi:ilin kapa:tol, ’isahini ’aehae’ ’ilaS So’o ’am paksizaeh koma:at ka kapa:tol. lobih ma’ ka:at ila ka nom pakra:am kano’ ’ima kayzaeh, hayno’ ’inokik sizaeh. kita’! ’isahini ma’ ra:am ila ’am matawaw ila ka kano’? sawsawa’ ’am mayaka:i’.

koe’hael ni ka’tala: patae’aes ka ’ima kayzaeh kapatawawan. ray ’ima SayboSi: tinal’oemaeh, nisiya pina:tol kayzaeh katibae:iwen nak nisiya  kinSiwa’an hingha’. So: siya’ ’awmomza’ ka hina’azem, siya kamasomingozaw nonak Sa’, kinSiwa’en niSo’ kano’?

歌手蚱蜢9歲在美國太空總署工作，主修電腦。但空閒就創作音樂。他不善歌詞故協同同齡伙伴，合寫許多作品。她知道他對音樂的執著。但在美國音樂界，沒有管道什麼也沒有。突然地，她冒出了：想像你五年後在做什麼？他道：五年後我想發行一張唱片，能與世界一流的樂師一起工作。第四年得跟唱片行簽約。第三年有完整的作品讓唱片行聽。第二年開始錄音。第一年得編曲。第六個月得有作品讓自己選。第一個月就得編曲。那第一個禮拜得排出需要修改的曲子。隔年他辭太空總署的工作。第六年他的唱片開始暢銷。像自己所希望的。當困惑時，他總會自問「你的希望是什麼？」