朗聲四起

O ka’oripan no mita koni a Kitakit “ Taywan ” hananay. Anini manga’ay ho no mako a somowal, “ O Yincomin kako.” saan, nika ikor to, mangaay ho no mako a somowal  “ O Yincomin kako ” sanay saw?

Itiya ho o mitiliday ci akong ako to no Dipong, mafana’ misanoDipong  cingra, tengil han ko caciyaw nira ato ’orip nira, matiya to o Dipong ko pinangan nira, nika ci ama sa ako malecad to o tada Pangcah, sasiroma sa ato ci akong ako ko pinangan nira. Yo mafana’ kako to hekal, mahemek kako to akong ako, sa tanestes sa ko tatirengan, mafana’ aca misano Dipon a caciyaw, malasa kalata’ang ako i ka’ayaw no kapot a mitilid, nika anini sato talipaelal to ko faloco’ , o caay ko matatodongay ko matiniay a harateng.

Itini kita tona kanatal a ma’orip, mapalowad no mita ko serengawan ato limo’ot no to’as ho, nika na masamaanay, malalang kita somowal to no Pangcah, mapatangic ho minanam to sifana’ nangra. Anini sa o faelohay to ko Ceng-fo, matiya ho mapiepi kita. Itiya ho ka Dipongan ci akong ako, awaay ko liyang nangra a milayap to no roma a lekakawa ato sifana’, nika kita sato pakonira sa kita saw? Ka talipaelal to kita, samaanen no mita misi’ayaw ko rarakaten to pakayniay i serangawan no mita, o sasa’imeren no mita a miharateng konini.

“ O maan kita ” sanay a sowal, latek kita o Yincomin mato o lahoday koni a demak, nika itini kitanan o Pangcah, tada o tata’akay koni a demak, latek o ’icel no sifana’ koni, misakawanan ato palalan to harateng no mita. Nano kaemangan tangasa anini malakapah to, caay pitolas a milayap to painian no tao. Itiya ho awaay ko kihar, mafana’ to a somowal tono Pangcah. Nika na miteka mitilid tangasa anini o kawcong to, o mamilifet a miseking to tata’akay a pitilidan, o fana’ itiya ho to sowal no Pangcah, awa to ko fanafana’ maemin to a matawal, o Yincomin ho kako saw?, saka kita anini, o sasi’ayawen no mita koni demak.

Ikor to ano ira to ko romi’ad, manga’ay to no mako macakat pakafana’ takowanan, caayay to katalaw a somowal “ O Pangcah kako” sanay. O hatiniay a faloco’ cima ko mamisa’icel, kita to ko mamilaheci. 

未來，我還能說：「我是原住民」嗎？

外公是受日本教育長大，一開始我覺得我有一個很酷的外公，然而我發現這其實是完全錯誤的觀念。我們在我們的土地發展了自己的文化，傳承祖先的信念，但我們曾經被禁止說自己的語言，被強迫接受別人的教育。「我們是誰」對我們原住民來說已經變成了一個問題。如果我連自己的語言都不會說，那我還是原住民嗎？這就是我們面臨的問題，對於自身文化的認同，對於自我價值的混淆，等著我們去解決。