朗聲四起

Matiya o cidal ko olah no ina caay ka ’idi a pa’edil to hekal, deng o painian nira, caay pisalongoc to sapatikoaw, malasaka awaay to ko tolas to sakadiheko no faloco’. Ano awaay ko damsayay a faloco' no ina, deng to o 'edes ato tafihaw no faloco’ ko iraay tona hekal, orasaka, o dengan to o olah ato sida’itay no ina a faloco’ ko sapadiheko to tamdamdaw a ma’orip itini tona hekal.

Na maherek mahofoc tamiyanan sasepat a malakaka tangasa anini, caay pitolas to romi’ami’ad  ma’imer midipot tamiyanan, caayay ho kahoka＇ ko faloco’ a sida’it to pitilid ato saka tanestes no tatirengan niyam, nika awa:ay ho matengil niyam maroray to kako sanay a sowal. Oya damsayay kalilicayay a laway ato ya sakiftol sacarekah sanay a kamay nira, matesek a maparo i kemod no faloco’ no mako, inaaw! wata ko roray no miso pahafay to saki tamiyanan, onini haw i, caay ko mamatawal no mako tahada’oc.

Inaaw! kinafalah sa kiso to tatirengan, awa:ay ko tararikor no faloco’ iso mihofoc, pakaen, palahad tamiyanan, malasaka awaay to ko kihar niyam a ma’orip, hatiniay to ka talolong a olah iso, samaanen caay to ko mamafilo a mipanocay kami. Itini i kemod no faloco’ niyam, awaay to ko mikakaay to nika tadamaan no ina tona hekal.

Romatini sato mato’as to kami a malakaka, deng to o piaray ko  faloco’ caay kasaan, to laday i papotal a mitilid, kafana’ mingodo to ina ato mama, midoedo to lekakawa no pitilidan, fangcal ko kaciwidang ato misa’icel a misa’osi, mala o fangcalay a wawa, aka pisahakeno to sakalatamdaw ato nafaloco’an ni ina i titanan, ano ira ho ko limaw kalalok a minokay pacafay anca keriden talacowacowa a misalama, onini i, o safangcalay a sapanofo to ina konini.

母愛就像是無私的太陽一般永遠照耀著家人為家人付出不計較回報，母愛的光暉温暖每個角落，讓所有人都得到愛。兄弟姊妹出生後，母親每天細心照顧，擔心我們的學業及健康，從來沒喊累。她慈祥的面容，粗糙的手，深深印在我的心裡頭。母親無怨無悔的生我、養我、育我，犧牲了她的青春，這份恩情報答不完，母親是天底下最偉大的人。

平常要好好孝順母親，不要辜負母親用心培育及期望，有空多陪陪去走走，這也是給母親的好禮物啊！