朗聲四起

aicu qemaljup nu aya,sinanpazangal a kakudan nua paiwan.azua tja kakudan a sicuwayan tua siqaljupan, masanliyaliyaw a palisian. azua pasusu tua palisian, mavan a papuluqemi sa pavayan nua naqemati tua tjaliyaw a sacemel. aicu a qemaljup nu aya itjen, ini a masavid a tja saliman a tja sapiculan tu tja sepi, tja pazangal a malain a pasusu tua palisian. aicu maka tua palisian nua qemaljup na masanliyaliyaw.

azua sangasangasan pakatuakeman-- nu qemaljuqaljup itjen, palisi a keman tua saaljualju aya, salulum aya, sasequsequ aya, uri masasequ sa mingtjus a sacemel sa kavilad.

azua masanmusalj pakatuatjasikudakuda-- nu uri pasusangas tua qemaljup, tjaljapazangalan a paqetjutj aya, venaqesing aya, kirivuan aya, kisalud aya. qumalji a turivecan nua uqaljaqaljay ini a maqati a vavayavayan a tjemapis.

azua masantjelulj pakatua qadaw-- azua paqulidangata, timitja a paiwan a siqaljupan, tjaljapalisian a qemaljup nu kaljavevuan tjalu tua pakasangs tua kaljakivaquan. mavan a siqaljupan a paqulud, nu makakivaquanga sa kemasi tua kaljaudraman tjalu tua kaljadjadjeljeman.

azua masansimatjelj pakatua tjanasian a cauvau-- izua azua makatua palisian nua qemaljup a pakatua tjanasian a cauvau, paru nu izua tjumaq a napualjak aya, nasaqetju aya, nu izua iqinaljan a pucekelj aya, nu izua namacay aya.

azua masanlimalj pakatua sepi-- nu namisepi tu icua uri sivai nua tjavuvu, mavan a uri papuruem, sakanuvaik a qemaljup uri djemameq. sakanunakuyakuya sepi, azua uri kiadju a itjumaq, nakuya kaadilj a vaik a qemaljup.

azua masanunem pakatua qayaqayam-- izua azua pinaka sisilj(erit) a qayaqayam, nu pakasangas tua sivaikan qemaljup, nutja langdan sa namavurvur sa namapurepure a sizaingan, qemulip itjen a vaik a qemaljup, mavanusepasalivitjen. tjaljanakuyaan azua keljis katua tjidjidr, nu mecevung sa maciyur a cemain, mayamaya a kiqadilj, mavan a tjasisekakudanan.

qemaljup nu aya itjen a Paiwan, na uqaljay kakudanangata, uri na masanpicul na masa nrakac, avan nu sika seman pazangal tua palisian tua qemaljup.

排灣族傳統狩獵中有多種禁忌，尊重狩獵規範的獵者，會蒙受天神祝福，能獵得更多動物。有關狩獵禁忌規範，可分成好幾類。

食物－狩獵時，禁止吃甜食、香味、臭味，動物聞到會驚嚇而逃。

行為－出獵前，忌諱放屁、打噴嚏、爭吵、與妻行房，女人不能觸摸獵具。

季節－狩獵季節是從小米收成後的秋冬季。

生命禮儀－有關人的生命禮儀之狩獵禁忌，如家裡有生產者、生病者；部落有人結婚、往生。

夢占－前晚有夢到祖先將要給東西，出獵將有獵物。夢境不好的，就不要勉強去狩獵。

鳥占－出獵前，聽到sisilj(erit)鳥雜而急的叫聲，則停止出獵。最不吉利的是keljis和tjidjidr的鳥同時出現叫聲，不要勉強出獵，以免發生危險。

動物占－打獵途中，看到qaratuvutuvulj黑色小土撥鼠鑽土橫亙於路徑時，將會有意外發生，不可以通過。鳥占及動物占，是狩獵最嚴重的禁忌規範。

狩獵，乃男人本來就是天職，身為一個英勇的獵人，必須要學習這非常重要的禁忌規範。