tjuruvu aravca a kivadavadaq a kitjaucikecikel a caucau tu anema sinan pazangal a nemanga, tu anema a makaya tja sikipukeljan tu kanitjenan a paiwan zuku a kacalisiyan a kakudan aya? izua setevela a maitucu a tja sikataqaljan avan a tjakit, a cekev, a djiliung a namasan tja sinan pautez a tja ninan pazangal a paiwan zuku a kacalisiyan. ljakua izua maljiyan a ku vinarungan a ku sipacunan, pizuaken ta ku sinljavakan a ku kinakakedriyanan tjalja mapaqenetjan tjalja ljemakacan a senay nia vuvu!

nu i inu a namaqepuqepu a caucau i inu a malangedangeda a semenasenay, ika palaing tu i qinaljan, tu i gatu, tu i vavua. maretimaljimalji a tja sisenayan tua pucekelj, tua pasakuya, tua masalut, tua maljeveq, tua sisan qimaqimang, tua senay na i vavua, tua sipalalemulemu nua maqacuvucuvung, tua sikin vavavava, izua sakamaya a sedaljep a tja sisenay ta tia kinateveteveljan.

macaqu itjen aravc a pakatua senay a parekatjengelangelay a padjadjaludjalu, tja sisan parutavak, sisan vukay a tja puzangalan a tja tjengelayan a tja levalevangan i vinarungan. sa maljakac a tja salasaladj! na mapeljuq ta senay a tja kinai kacauanan, a tjengelayan, a singelitan, a taljimuzav, a qutjavan, a papupicul, a kisenay, a sipumaljimalji, izua anga ta senay a penuljat!

lja namaya ta vali a nasepulingetj a maqinaljan a senay nia vuvu,namaya uta ta qudjalj a pasamezangal, tjemaljun a naremarayu ta i kacauan, tjemekulj ta tjalja vavavan a gadu, sa pasa ljaveljav sa djaljum i ljavek, sa makasuqeljev ta su vinarungan, sa katega sa mintjus a su varung a nasekataqed a nasekaulav anga!namaya ta vukay na ramaljemaljeng, “kavalanga milimilinga gemalju tu siljemanguaqan aya!”, sinipatalji tua tja inevevucevungan a tja kinaqepuqepuan maljiyan tu napenakaleva, tu nasaceqalj,tu namasusinglitan itjen a masantalj.avan anga sakamay nu tja pinivaruvarung a patjemamiling.

常有人問起，排灣族最珍貴的物品或最具特色的文化為何？有人說是青銅刀、琉璃珠、陶甕合稱為排灣族三寶。只是在我成長的記憶裡，最鮮明也是最深刻感動的卻是vuvu的歌！

印象中只要有人聚集就有歌聲，不論在部落、山林間、在田野間，在部落婚、喪、慶典場合中都有它適用的歌謠。 

把心中最美、最深的感嘆都放在歌詞中唱給感動的你們聽！對我們而言生活就是歌謠，感情是歌謠，想念是歌謠，傷心是歌謠，勇氣是歌謠，祝福是歌謠，感謝是歌謠，歌謠最能代表我們！

祈願vuvu的歌隨著風飄到各部落，爬上最高的山，吹向海邊，滑進你、我的心田，甦醒沉睡已久的想念！就好比古謠中描述美好的世物值得一生回味。