朗聲四起

i tua tja kakudan a kacalisiyan a paiwan zuku, nu pucekelj a tja vetjek a tjaljaljak tja nu itjen, pakitjuaya pakitjucekelj itjen a pitua tja kakudan. a kisudjaljedjalj a caucau, izua nu kaqauzeqezen na matjaljaljak sa pitjumaqi, sa vai ta sapay a piljaqediqedi ta kaumaqan, rinanav tu pusaladj tu puqalu nu ngidanga ta saliman nua kacekeljan, aza ika namakeljang a tja kinai kacauwanan. tja sinan pazangal aravac a pakitjucekelj, a papungadan ta umaq niamadju, ta tja vetjek a namigacalj a kemasi tjumaq. aicu a ngadan nua umaq sinikipukeljan tu ljaima a sivaivaik, tu nima itjen a caucau, tu nakemasinu a pinarevetjevetjekan aya.

ta sicuayan neka aravac a marivurivu ta kinacekeljan a marevetjevetjek, a nanemanemanga tja sipaqaljay sakamaya ta tia sikasaliyalim, nakipalaing itjen sakamaya a tjaljaljak a caucau, silailaing itjen a kipuvarung na tja sikasaliyalim i tjumaq, kumalji nukatja matjaljaljak ika kitjuvaruvarung. ljakua a tja kilalailainga a kakudan tucu, maretimalji anga aravac katua sicuayan a kakudan. nu tja pacunan aicua kinuletj a sinan kakudan na sihu, matu uri tja nanguaq,matu uri tja marasudj itjen, ljakua nu tja pacunan tucu, matu tja meliyaliyav anga a tja rivurivuan.

aicu a tja inudalj a vaquan a kakudan, turi tja sikaselapay turi tja sikamanguqa nu ngidanga nua titjen a tjai vilivililj a caucau, kitja kilauti a masantalj sa tja ljenguaqi a kinemenem a kipuvarung.

nu maqinaljan itjen aza piniljaqediqedi ta kacekeljan a tjaljikedri a umaq tuki mapacunanan tuki izuanan tucu? kimanu pinapamapamav anga a pasatjaljiqaca a sapay nua tja kadjunangan? kimanu tja tjaljiqaca anga ta umaq na kacekeljan a nakisudjaljdjalj a caucau? tu izuanan a tja parepaqaljaqaljay a marekiljivaljivak nua titjen a marevetjevetjek, nua titjen a marekakakaka tucu? tu izuanan a caucau a kemeljan a maqati a kipuvarung tu djemaulj ta sikasaliyalim nu veneli nu limingedjelj ta umaq? tu papungadan ta kinitjucekeljan?

aicu a mapacikel a tja ngadan a kacalisiyan, tu makeljanganan tu mapacunanan a sinusuan a sinitjaucikel ta ginacaljan takinasizuanan nua ramaljemaljeng, nua matjaljaljak? nakigagalj itjen a paqulid tu kisaseljang itjen ta kakudan na ziday a mecemadja a meqaliqali a tja pacacapilj a tja pinarevetjvetjekan.

排灣族社會中，家族致贈「屋名」是非常重要的儀式，命名家屋必須當眾公佈，確認在家族的位分。傳統社會裡鮮少有為產業爭執的手足，大多由當家的老大決定，父母也尊重老大的定奪。現在法令繼承權的法則與原先祖先訂定的規矩出入甚大，舊時爭議少，現代卻有奪產之例。

購買或新造房屋時，會不會請當家來命名？回復傳統姓名時家族的聯結脈絡是否找得回來？又會不會因為它的轉變，部落的情感也轉變！