朗聲四起

ulra a saya wari, muvilin i takesiyan menadanadam semenay tu temuwan i Sinlung di, mukuwa i Sinlung kantu takesiyan kicevunga kani temuwantaw.

kadu diya kani i dadalan kinger da semasenay na temakakesi di, kadu kani saninin kana lalinayan mengangara kantu temuwan.

mena’u lra kana lalinayan mu, kaduwan a cau na remarenad. ulra na pavavekas, ulra na mahelrahelr kemakawang, ulra na cau tu lapusaw tu cukap kemakawang.

kana semasenay diya na temakakesi di, mukuwa kurelranga da cau kemakawang ini Sinlung, paranger itaw da a temakesi kana palrivak na takesiyan mu, ulra tu remarenadan i takesiyan. mau na caluwalun di varasarasa’ adiyu diya, kaduwan na adi pakacima’ da cukap di na kuce, nu mukuwa i kungkuwan temakakesiya mu, maruwaru tu kuwi.

adiyu diya misaharan kadu i lalinayan, na temakakesi, mukulukulung, marevurelrang, marevurevu, marevulruvulru’ da mali kani lalinayan, nu adi temaranapaw mu, kilrecuv di kuretapelra’, amames kurepanana tu sungasungal di, tu dapadapalr di tu limalima, adi araemaeman di, adi makakaud da kuretapelra’ nadu na temakakesi.

nu kadu na mare’ari’ari pavekas kani takesiyan di, kadu na marepakuwakuwa i dekalr mu, temuru na sinsi da adain kana pitaw di na lingaw, penapitaw da caluwalun, lremalrepit da calunan di, cinuriyan lra kana ’avu tu pavavekasan i lalinayan.

kurekasa da dinekalranan kikarun na temakakesi, tu pakavulayay na lalinayan, talrunger lra tu kavang kantu saringan nadu na penapitaw di na maakuc kana calunan, kema mareanger i Sinlung, paretelun paliyuliyus kemakawang i lalinayan itaw mu, pacempa lra kantu temuwan, duwa i ngawayan kantaw, tu kedengaw tu lima na temuwan di pakunamum diya kemakawang. marengay da “nu ta lapusaw ta cukap kemakawang kani mu, apelr di salaw ’inava ta anger, adi kemawan adiyu diya kananiyam lalinayan tematusuk na varasa’ kanta dapalr.” kema marengay.

運動場有很多人在運動，有的在跑步、有的脫鞋走路。學生還在教室練唱，因為孫子還沒下課，所以Sinlung跟著他人走路。Sinlung想起讀小學時，學校也有運動場，不過，運動場全部都是草，草地夾著小小的石子。那個年代，買不起鞋子，所以，有很多學生沒穿鞋子上學

學校舉行運動會前，老師叮嚀學生要帶鋤頭和鐮刀。用鋤頭除去跑道的草；用鐮刀割短操場的草；用石灰畫上跑道的線條，流著滿身汗的清掃搬運雜草，學生和部落族人一起整理，讓運動場煥然一新。