朗聲四起

O harateng no tamdaw, o pakaso’elinan no tamdaw kona karakesem ato karahemek. Mapafiyor ko faloco’ ita a misi’ayaw to demak ato halalan no kalotayal ita. O sakaira nona harateng i, o nanimalitengay ita, nano kaemangan a ’orip, nano tadamaan no loma’ i siyakay, o kalorekad no pitilid.

Ira koya mitiliday a tatosa, tatiihay ko piseking no mira. O karakesemay a mitiliday i, cowa karocek ko taneng ako, mansa samaamaanen ako a misa’icel i, cowa ko mamafilo ako. ” sanay ko piharateng niar. O karahemekay a mitiliday i, mafana’ a mihapinang to caayay karocek ko pitilid, saka tatiih ko pisekaing. Ano mamiliyaw ho a miseking i, sainanengen ako a minanam, nga makapah ko piseking, sanay ko piharateng nira.

Roma sa to. O maomahay a tatosa, o pinengneng naira to karaod no ’orad i kacanglahan. “Aya! O mamaponi’ no ’orad ko lamit no mipalomaan ako, tatiih ko heci.” sanay ko piharateng no karakesemay a tamdaw.

Roma sa to. O siomahay i hadhad a misamokongay a tatosa. “O pitademan aca ko mamasanga’ay ako tona hadhad.” sanay ko piharateng no karakesemay a tamdaw. Oya karahemekay ko harateng a tamdaw i, “Ora hadhad i, palomaen ako ko hana, kilang, kalopipahanhanan no nimanima, saan ko piharateng nira.

Ano pasayra i moecelay ko piharateng i, o caciepoc kita to lipahakay a pinangan. Maolah haca ko cimacima a misawidang titaanan. O sakanga’ay haca no ’orip no mita. Ano sawidangen ita ko hatiniay a pinangan a tamdaw i, o mamapadahof kita to moecelay a harateng, adihay ko malayapay no mita to sakanga’ayaw no ’orip. Nanay o kalahemekay ko faloco’ ita a maemin!

文章說明悲觀與樂觀是由生活環境、家庭背景和教育等因素所影響的思維方式。文章以學生、農夫和工人的例子，對比悲觀與樂觀者面對相同情境時的不同看法與反應。悲觀者容易放棄、看到困難，而樂觀者則會從中尋找希望與解決方法。作者強調，雖然思維方式受環境影響，但只要願意改變，學會正面思考，就能培養樂觀個性，進而影響他人並創造更多機會。文章鼓勵大家成為積極樂觀的人，擁有正向力量。