朗聲四起

O cowa ka samaan ko ka’orip a tamdaw i, iraay to ko piklim no faloc’ to sakalemedaw a harateng. O “sakalemed” nany o malemo:ay a demak, oya mi’ahowiday ko faloco’ a matayal to kakalipahaken a demaki i, o sakarahker no faloco’, onini ko pinangan no “sakalemed” hananay.

Amo latek i, cowa ka soli:nga’ ko sakalemed, kawrira, o matatodongay a tayalen konin a demak anosaan ko piharateng iso i, cowa pi’osi to saka lahci, itiniay i tatenokan no pitayal to demak. O sakalemed to koni.

O ’orip ko kasadakan no kihecod a sakalemed, tayalen ko kaolahan a demak, radiwen ko kahemekan a radiw, falahen ko kafangafangan karawrawan a demak, palomaen i faloco’ iso ko palamitan no lipahakay a cengo’ no kilang, manengneng ko nikalahad moya cengo’ i, o malemeday to.

O papalada’en ko sakalemed, palilamen ko tao, ta mafana’ canyra to o ’angongolay ko piolah iso i cangraan, i kolto i, lipahak a rahker ko faloco’ iso. Onini ko Sakakaay a sakalemed, saka, kararid a mipadama mipalada’ to sakalemed i tao.

O cowa ka samaan ko ’orip a tamdaw, ano rahker ko faloco’, mahapinangay to ko sakalemed ato lipahakay a ’orip. Pasiikol sa minengneng to nirakatan a ’orip, fahal sa mahapinang ko i kemoday no faloco’. O ksihkoan to, o kacelakan no congiliw, malika:tay kocidal, ’arawhan i, o itiniay to i laloma’ no sakalemed ko ’orip no malo.

幸福其實很簡單，人人都能在平凡生活中找到。懷著感激的心做讓自己快樂的事，過程本身就是幸福。生活是幸福的根源，做喜歡的事、唱喜歡的歌、放下煩惱，在心中培養喜樂，便能感受幸福成長。幸福也需要分享，將快樂與愛傳遞他人，能獲得更大的滿足。良好的心態是幸福的關鍵，只要懷抱目標、努力前行、以微笑待人，幸福自然靠近。與其刻意追尋，不如提升自己，當內心踏實富足時，會發現生活早已充滿陽光，我們一直身在幸福之中。