朗聲四起

U malatamdaway a maan saw ku nika ’urip, caay kalecad amin, maanen naca u balucu’ nu tamdaw caay kakibana’ i, caykanca ka ira ku nisabalucu’ an nira a nisimsiman, “ u lemed nu nika ’urip ” caay kamasamasa, kay matiya ira radiw, kay matiya u nikulitan. Pihaceng ku lipahak a miherik tu nangalayan a demak tira “ nikalemed ” sahadidi han mangaay tu caay kaanub, mahaen u “ lemed nu nika ’urip ” aluman ku pakuyucay, sangeru saan a mikilim tu kangalayan nu heni a saka’urip, melaw han ini i kakuku’ an ku lemed, anu ruhu han maalatu.

Hacuw katekes, hacuwa ka bangacal nira maamaan, kay caay ka kapah ku nika ’urip, u lemed nu ’urip caay ka sarumud saan, anu u kapahay kina demak anu sa kisu, anu mamaan naca caay kaw kapahaytu haw? U nikataeliban nu mita anu lipahaktu, u salemeday tu kita.  A maanen a semuwal ku lemed nu ’urip, caay pakatama kita, caay yaca pakatapal kita nay hacuwaay hakira a mitaelib? Sisa “ u ’urip nu mita kiyari ku tapang nu lemed ” midemak tu ka’ ulahan a demak, remadiw tu ka’ ulahan a radiw, balahen tu ku kabiyarawan, akaa pakacingelawi ku balucu’, pakay balucu’ han a paluma ku caang nu kilang, pananum han, padamek han, melaw han ku nikalemahad, nikatataang nira kilang, u lemad nu ’urip kini.

U lemid nu nika ’urip a mapapaini, pabana’en naca ku heni tu ’ulah nu misu i tuhenian. Herak sa a maainiini, hacuwaay hakiya ku dihemay, ku lipahak nu balucu’ nu tireng, u pihacengay a lemed nu ’urip kini, sisa ka halipadang tu kasasuini tu lemed nu tireng. U kapahay a balucu’ ku tapang nu nikalemed, ni ka ’urip nu tamdaw, hacuwa nu tatukiyan, icuwa a ka ’uripan ku salemeday a’urip nu misu a misakilemel, i tepar tu nu misu. Anu sangeru sa a mikilim tira kangalayan a lemed sumaden ku tireng a misakapah, papikilimen tu ka ’ulahan a lemed i tisuwan. Sisa caayay kamasamasa a tamdaw haw, u balucu’ a cacay ku micidekay, tiya mabana’ cira tu sakalemad atu lipahakay. Tuna mahaen araw sulikul sakaku, mabahal kaku a makamelaw tu celak nu baru sabangcal saan, iyah! Mahaenay tu kiyaru ku lipahak ku lemad nu ’urip nu maku. 

幸福其實來自於內心的感受，而非外在的完美或昂貴事物。即使是平凡的人，只要懷抱夢想、做讓自己開心的事，就能感受到幸福。幸福常常藏在生活中微小的片刻，像是唱喜歡的歌或放下煩惱。分享幸福、幫助他人，會讓快樂加倍。而真正的幸福來自一顆良好的心態與不平凡的內心，當我們專注於成為更好的自己時，幸福也會悄悄靠近。