朗聲四起

Nay ayaw ira kiya matu’ asay, anu talacuwacuwa a misarakarakat, caay kanca sini’awit tu adidikay a tingalaway, anu mataelib nira ku sisuniay a panan i, patungal han nira tu simal, anu caay kakapah a buhatan kira panan i, pasipasip han nira tu simal, mahaen kiyari ku ’urip nira a mipadang a pasimal tu maamaan, sisa mapadang amin nira ku biyabiyaw. Pangangan han nu nimanima cira tu micidekay a tamdaw; mahaen kiyari ku demak ku nika ’urip nira anu awaaytu ku simal, tungalen tu ku tingalaway a mitumes, sabalibalic han ku mapuheday tu a tingalaway, saliyaliyaw han a pinaru...

Saremiremiad sananay ku ’urip nira baki, a mipadang i cimacima:an a pasimal, sisa adihay ku mapadangay nira a biyabiyaw, aluman ku mahaenay a tamtamdaw. Saremiremiad saan a caay kasasu ’ulah, a caay kalipahak a nika ’urip, simacacihiay, sipaculiay... a patungalan kiyaru ku heni. tu lipahakay, tu dihemayay, tu sapidiputay a simal... sisapasimal kisu haw?

Anu siniawit kisu tu sapipadangaw a simal i, adihay kiyari ku mapadangay nu misu, tu i ngataay a tamdaw amin. Anu nanu dabak a pasisian nu misu tu simal cira, hacuwaay hakira ku lipahak nu kapah nu ’urip nira tina remiadan, sisa pasisien tu lipahakay a simal ku lihalaway tu a tamdaw, cacay ku suwal tu sapakakilemel tira lihalaway tu a tamdaw i, u kapahaytu a demak kiniyan.

一位老人總是隨身攜帶一小瓶油，用來潤滑門的鉸鏈或閂鎖，讓門開關更順暢。雖然人們視他為怪人，但他一生都在做這樣的事，為他人帶來便利。文中進一步引申，說明在生活中，我們也應該像這位老人一樣，隨時準備分享「幫助的油」，無論是喜樂、溫柔或關懷的話語，去幫助周圍的人，特別是在他們需要的時候。這樣的行為能夠改變他人，帶來正面的影響，並讓人生的相遇變得更有意義。