朗聲四起

kasicuayan, izua mareqaliqali a uqaljaqaljai, ari vaiki a qemaljup aya tiamadju. manu ka i gadu anga tiamadju, secengceng tu qemudjalj a paljeqaca aravac,

 pai sa vaik a kiljaljaung tiamdju a sema ta ljiv nua kudrakudral a qaciljai, saka maljeqaca aravac a qudjalj. sakasiuljai anga izua tiamadju. ljakua nutjasalilim pitja meqacaqaca azua qudjalj. tazua, izua qivu a macidilj: “ palemek a qezetjen itjen nua qaciljai ” aya.

 sa qivu azua macidilj: “ ini a makuda, ku tukezau anga aicu a qaciljai tua ku vetjeljatan, ” aya.

sa kecekeci a vetjeljatan nimadju a patalaw tua itjaivavaw a qaciljai. ljakua tja mezangazangal a carugecugecug a i pavavaw tjaiyamadju a qaciljai. pai inianga ka temzeng a vetjeljatan nimadju tua sadjelungan, sa kacunuq azua qaciljai, sa qezetji nua qacilji sa pacai anga a mapuljat tiamadju.

 saka tazua vengin, pinakisalilj timadju a pakataq a picasaw nua mareka salasaladj, pai azua mareqaliqali namatevtevelj ita liv nua qaciljai, ljakua azua timadju pinicasaw a pakataqed niamadju.

pai ka maljia anga sa pacun azua pusaqetjuan a caucau sakeljangan tu namaqezetj a salasaladj nimadju i taladj tua qaciljai a mapuljat; pai vaik anga timadju a pasemalaw tua cemkemekel ita qinaljan tu namacai anga a salasaladj a mapuljat italadj tu liv nua qaciljai.

azua pinacayan nua salasaladj a puqaciljaciljai a kadjunangan, pinaka i paljing nua qaciljai inaya anga, sa papungadain anga azua kadjunangan tu i macacukes, a patareva mavan a paqaqeljiqeljing a mare pusalasaladj siniaya uta. pai namayatucu a patarevan nua macacukecukes, saka pupataravan uta tua  maqaqeljiqeljing itjen sa tje parepusalasaaladj a marqaliqali siniaya a patarevan naicu a macacukecukec.

在一個部落的好友們相約打獵。第一天就遇到大雨就在石洞過夜。其中一人說：「我們會不會被石頭壓扁。」另外一個人說：「沒什麼啦，我用我的弓撐著就好了」。雨下越下越大，石落聲音越來越大聲，最後弓承受不了石頭的重量，洞中的眾人都被壓死了。不過，他們之中有人患了皮膚病，平常都被嫌棄，那天睡在外面。第二天，發現石頭都塌陷，就回去告知部落、死者家人。部落的人把這地方稱為macacukes，意為朋友之間都應該要互相鼎力相助之意。