朗聲四起

nanta ngai muvilin pidaya lra kuzulr ’ami, iniyan ta lra za kuwarelrangan za kemay a aidan kazu lra, ulra a papida na mitinakesiyan mitrepa kana ngai na trau, tu pakiruwalruwanay kani punapunan peniya “mau na i kezet na lratar na ngai za nirekudayan.” i punapunan harem mawmau sasaya marapinu’ivat kana kanatal ziyan na lratar na piningayan. nantu inuvakaran na dare’ mu, palavat kanantu inutralatralawan na cikiw za parekazuwa, zi i Taiwan mu, nantaw rakaz kana ngai makaiyaiyan ziya na lratar.

na Pinuyumayan ara saya ’inalra’alrayan mu, ’alra na zakalr maresenenganengan. kemay i ’ami mu, i Mulivelivek, mulauz i Puyuma, muzaya mu, i Kasavakan, mukezet mu, i Katratripulr. na pinningayan i Pinuyumayan, muravak kana ngai za Ulivelivek, Puyuma, Kasavakan, Katratripulr marekapat.

na ngai za Yēncumin, iniyan za tatililran a mau ziya, nitaw vinavati kana ma’a’izangan tremungulr za saya tralitraliyan. makalrang za manueman ’ami vulan tu sasupay za are’etran kakuwalengan. a parepuwan matengetengez na ’emaraw kana Taiwan na Dipung mu, tu pukasayaw

pakituluz kanantu ipanadam tu hungti. parengay temaradipung. zuwa i Taiwan na mingkok mu, tu palremesaw na trau i Taiwan tu piningaiyan.

a Pinuyumayan mu, mau na salaw vulay na ’alrayan, sayhu semenay malikasaw. tu sepadanay za semangalan za saharan kana tratrautrau ziyan. maravulavulay tu ikatratrau. kiyalriman kaninta na Pinuyumayan, sahara ta zanta piningaiyan, ta kipiyayaw ta anger menadanadam. marayasa ta marengay zanta ngai, nu makaud ta za pamelri ta merengay nu eman , zi ’azi mutuktuk nu marengay ta mu, nu marayas ta ziyan mararengay, nu aidan kana saya wari, kararuwa ta atrevung pareveliyas zantu ngai za temuwamuwan! zi madadikes kanantu anger na tinavawan kana temuwamuwan, kimazazayar kananta ma’iza’izangan… kanini na demaway kana eman ziya  na Demaway mu, uri kiyarungetr mena’u kanta masalr!  na Pinuyumayan pakirungetri! na Yēncumin pakirungetri!

語言學者將我們的語言列為「南島語系」。卑南族部落在語言上仍有差異。過去，原住民族語言經由耆老口述得以傳承。現今，很多人不太說族語，加速原住民族的語言流失，一個沒有族語的民族，能算有文化嗎？

卑南族是很美的民族，能歌擅舞，總把歡樂分享給所有人，希望族人盡量多講族語，我們能夠找回過去先祖們的語言，和祖先們心靈交會，用母語跟耆老長輩談天說地。大自然萬物之神將再眷顧著我們！卑南族加油！原住民族加油！