朗聲四起

izua nakisumalji aravac a macidilj a uqaljai a kakedriyan, pinapungadanan timadju tu aljak na mamazangiljan aya.

ka pasemalaw tu aicu a aljak na mamazangiljan namangetjez a kasi tua vitjuqan.

nakipapaulingaw aravac tua mareka namapakakaizuazua a sinitalem itua vitjuaqan.

izua ka puita, a i tjuzuma a vitjaqan, izua macidilj a malunai a caucau na madraudraw a parimasudj tua vad nua kasiw, ka ku sizuga timadju tua sizi, maqati a keman tua kudrakudral a kasiw azua size.

pai maleva ravac taicu timadju. ljakua mavarung uta timadju, tu kanen na sizi a hana a limusulj.

kivadaq timadju tjanuaken, a djui nua limusulj a hana aki maqati a paljakev tu inika sikanan nu sizi tjaimadju.

ku qaqivuin timadju: “ izua a ku kapurpurpur a sengsengan, maya ken a semupilj tusa inika namasan pazangal a sengsengan,” ku ayain.

nasaljivalaw timadju a qivu: “ nu izua caucau i tua kaljiavan a vitjuqan, sa katjenglai tua kaitaitan a limusulj a hana. sa sazuai nua sizi sa kani anga azua hana, nu kinemnem timadju, matu namasevus anga isauniuni a teljar nua vitjuqan, sa inianamasan pazangal aya sun! ” 

a kinaizuanan a vitjuqan na aljak na mamazangiljan izua uta a limusulj a hana. ljemita ta qadaw a semuap a venljuc tua vunavun nua kasiw, sa parimasudj tua cemvucevud a sapui a gadu. nu masulem caqevan anga ta galasu a limusulj a hana a paljakev. ka uri vaik anga izua ita vitjuqan, djiniqes anan a limusulj a hana, cinaqevan tua galasu a caqev, “ kana suljivatju anga ” aya a kipusa-u. qivu a hana limusulj tjaimadju, “ kana suljivatju. ” aya uta.

nuri kisedjaluan aken tua kamadrimadri, ki ken a kiqadilj a djavacen nua qatjuvitjuvi, ayatua izua uta ku gumac. sauin a kirimu a aljak na mamazangiljan nimadju, marekutju tu pacunan timadju tu naqemaung.

有一位很特別的小男孩，我們稱他為小王子。小王子對行星上的植物很小心。但是他也擔心，羊會吃掉玫瑰花。他問我：玫瑰花的刺能不能保護它不被羊吃掉。如果羊把那朵花吃了，對他來說，就好像所有的星星一下子全部熄滅了！小王子的星球上，住著一朵玫瑰花。要離開星球時，罩上玻璃罩道別：「願你平安」，玫瑰花也回應：「願你平安」，玫瑰花催促小王子離開，害怕他看到她流眼淚的樣子。