朗聲四起

ina hananay nayi’ ku niza a teked tu kahiza u cilal caay pasatezep patakelal tu lalabu nu luma’, kinabakah sa ciniza tu saki nu luma’, pakibalucu’ sa nayi’ ku ngaliwngiw, matabu nu dihku atu namuh nu ina ku lalabu nu luma’. itini i hekal anu nayi’ ku ina sa, u mamalakesemay cu’detay tu ku hekalay, u malabiyasay a namuh adada’ nu ina ku sakadihku nu lalabu nu luma’, u sakaizaw nu namuh nu luma’.

nalecuhan henay nu ina kami calekakaan sa, nayi’ tu ku zahkez nu ina. midiput ci ina tu demiamiad a misakapah tu kasizikuc kaen atu eneng niyam, sa’tim sa a paayaw tu picudad atu sakaicelang nu uzip niyam, azihan nayi’ aca ku ngaliwngiw niza, mangelu’ kaku caay kasa. ya sadamsay sananay a bihid niza, atu ya sakalahkah sananay tu a lima niza sa, tesek sa matupa i balucu’ nu maku, caay tu ku mamapawan nu maku, mahini ku ngelu’ ni ina a kinabakah sa tu uzip tu sapidiputaw i tamiyanan.

hemhem han ni ina ku ngelu’ nu balucu’ mulecuh takuan, pabalaki takuan, pakatineng takuwan, a kinabakah sa tu niza a demiad sakay takuwan, sademiamiad sa tu sasakawawen tu nu luma’ay, u sapaka zahkezaw a limulak i tamiyanan, u sata bakiyay ku ina nayi’ ku mikikakaay tu ngelu’ niza i hekal.

母愛就像是無私的太陽一般永遠照耀著家人為家人付出不計較回報，母愛的光暉温暖每個角落，讓所有人都得到愛。兄弟姊妹出生後，母親每天細心照顧，擔心我們的學業及健康，從來沒喊累。她慈祥的面容，粗糙的手，深深印在我的心裡頭。母親無怨無悔的生我、養我、育我，犧牲了她的青春，這份恩情報答不完，母親是天底下最偉大的人。

平常要好好孝順母親，不要辜負母親用心培育及期望，有空多陪陪去走走，這也是給母親的好禮物啊！