朗聲四起
zateng sa, u makesemay a tademaw kaku hakiza? caay sa u limulakay a tademaw kaku hakiya? makesemay atu limulakay a tademaw sa tungusay u nabalucu’an a nizatengan, mahiniyay a nabalucu’an a nizateng sa tanengay sapiketun tu sasakawawen atu sakalatademawaw a wayway, payni tu nu maku tabaki ku nika sumad nu uzip. sakaizaw nu mahiniyay a nabalucu’an a nizateng sa u nay lalabuay tu nu luma’ atu babalaki ku sakasumad, nay adidi’ay a piernengan a liwliw, luma’ atu lalabuay nu luma’, nicudadan atu u nisacabayan a cabay, tini amin i labu nuyni ku sakaizaw nu nikahica, natusaay tabaki ku nika caay kalecad nuyni, anikasasubatadan.
izaw kya tatusaay a micudaday caay ka kapah ku mitanengan nuheni, hini sa kya makesemay a micudaday, nika caay tu kataneng nu tineng nu maku sa ciniza, hicahicaen misaicelang caay henay kakapah ku nitaneng, naynayi’ tu ku piazih niza cinizaan tu. uyza satu limulakay a micudaday zatengsa ciniza akay u nika caay kataneng nu maku miazih tu cudad? patatenga’ kaku a saicelangen tu nu maku miazih tu cudad, anu ayaw pitaneng sa a kapah tuway ku nitanengan nu maku, hini sa kya makesemay tu, anu mahini tu ku udad a mamuni’ ku lamit nu nipalumaan sa ciniza, a masazuma tu ku nilangec, salangiwngiw sa kuyni makesemay. uyza satu ya limulakay a malukay, hini sa mahiniyay ku culil nu demiad ahicaen, u sakakapah tu nu lala’, taneng henay pahanhan ku canacanan, pahanhan ayza kapah misulimet tu sasulimeten, kapah henay mipawyang tu sapisakawaw a tuutuud.
悲觀與樂觀是種思維，受父母、生活環境、家庭社會地位、教育影響。成績不佳，悲觀的人認為怎麼努力也沒用。樂觀的人只要努力就會考好。面對春雨，悲觀的農夫認為收成會受影響。樂觀的農夫則認為農作物得以澆灌。面對荒地，悲觀的工人只能用來修建墳場。樂觀的工人則想要種滿綠樹花草，供人休憩。
願意改變思維，凡事朝正面思考，自已樂觀也帶給人正向的觀念。要當現代的原住民青年，要成為樂觀積極、正面思考的人。